ڕزگاربوويێن ل ده‌رڤه دێ ژ پرۆژێ بنگه‌هێ لالش مفادار بن
سه‌ما
پڕۆژێ پشتەڤانیكرنا دارايى بۆ ڕزگاربوویان ژلايێ سه‌رۆكێ حكومه‌تێ و ب بجهئينانا بنگه‌هێ لالش،ل ده‌مه‌كێ نێزيكدا دێ ده‌ست پێ كه‌ت و ڕزگاربوويێن ل ده‌رڤه‌ى وه‌لاتى ژى دێ مفادار بن.
عه‌نته‌ر كه‌لۆ،به‌رپرسێ بنگه‌هێ لالش تايێ خانكێ بۆ سه‌ما گۆت:ئه‌ڤ پڕۆژه يێ دلخۆشکەرە بۆ هەموو جڤاکا ئێزدیان،ژبەرکو ڕزگاربوویێن ئێزدی تووشی گەلەک دەردەسەری و نەخۆشیان بووینە ل بن دەستێ تیرۆرستێن داعشێ،ب پشتەڤانیا حکومەتا هەرێمێ دێ پتر خزمەتا ڕزگاربوویان ئێتە کرن.
كه‌لۆ گۆت ژى پێنگاڤا ئێكێ پێشكێشكرنا هاريكاريا دارايى يه بۆ ڕزگاربوويان و سه‌رۆكێ حكومه‌تێ سۆزدايه لدووڤ باشبوونا ڕەوشا داراییا هەرێما کوردستانی ئەڤ بەخشینه دێ باشتر بت.
ئاماژه ب وێ چه‌ندێ دا ئه‌و كچ و ژنێن ڕزگاربوويێن ئێزدى يێن ل ده‌رڤه‌ى وه‌لاتى ئاكنجى دێ ژ ڤى پرۆژه‌ى مفادار بن.
پرۆژه ژبلى هاريكاريێن دارايى چه‌ند بياڤێن ديتر ژى بخۆڤه دگرت و قۆناغ ب قۆناغ دێ ئێته بجهئينان.
بۆ زانين دێ هەیڤانە هاریکاریا دارایی بۆ پتر ژ سێ هه‌زار ڕزگاربوویێن ئێزدی ئێتە دان.