ناڤه‌ندا نووچه‌يان – سه‌ما
د بەردەوامییا گەهاندنا پڕۆژەیێن حزمەتگۆزاری دا بۆ دەڤەرێ، چه‌ندين پرۆژه‌يێن نوو ل كۆمه‌لگه‌ها شاريا دێ ئێنه چێكرن و هنده‌ك ژى د قۆناغا بجهئينانێ دانه.
ئيرۆ پێنجشه‌مبێ، 29ـى چريا ئێكێ 2026، ئيسماعيل سلێمان، سه‌رۆكێ باژێرڤانييا شاريا بۆ سه‌ما گۆت: كار ل سه‌ر چێكرنا چه‌ندين پرۆژه‌يان ل كۆمه‌لگه‌ها شاريا دێ ئێته كرن، ژوانژى چێكرنا رێيا جۆتسایدێ ژ سووکا شاریا دگەهتە پەیکەرێ دلۆڤانی ودێ بتە بارسڤکى بۆ هاتنوچۆنا وه‌لاتييان.
ده‌رباره‌ى ئاڤاكرنا شاريا نوو، سه‌رۆكێ باژێرڤانييا شاريا زێده‌تر گۆت: جاده‌ێن نافخۆیى ل شاریا نوو ل کەرتێ 41 گرێپانێ ئەو جهێ هاتی یە دابەشکرن ل سەر فەرمانبەران ب شێوەیەکی ئەندازیاری و سەردەمیانە دێ ئێنە چێکرن.
ئيسماعيل سلێمان به‌حس ل وێ چه‌ندێ ژى كر، نهۆ باخچەيه‌ک و 20 نافۆرە کار تێدا دئێته كرن و گه‌هشتييه قۆناغێن داوييێ و دێ کەڤنە د خزمەتا گشتی دە.
د كابینەیا نه‌هێ دا، ڕێزدار (مەسرور بارزانی) سەرۆكێ حكومەتا هەرێما كوردستانێ، ڕاگەهاند: سیاسەتا مە دێ وه‌ها بت، كو بتنێ گرنگيێ ب سەنتەرێ باژێران ناده‌ن، بەڵكوو گرنگيه‌كا زێده‌تر ب قەزا و ناحیە و گوندان دێ دەن.
كۆمه‌لگه‌ها شاريا نێزيكى 50 هەزار ئاكنجييان ژ خه‌لكێ خوه‌جهـ و ئاواره‌يان هەیە و 8 گوندان ب خۆ ڤه دگرت و سه‌ر پارێزگه‌ها دهۆكێ ڤه‌يه، ئەڤ پڕۆژنه ئێك ژ داخوازييێن سه‌ره‌كى يێن خه‌لكێ ده‌ڤه‌رێ بوون.