ناڤەندا نووچەیان – سەما
ئێڤارييا ئيرۆ پێنج شه‌مبوويێ 23-1-2025ێ، بنگه‌هێ لالش يێ ڕه‌وشه‌نبيرى و كۆمه‌ڵايه‌تى ل دهۆكێ، دانوستاندنه‌كا ڤه‌كرى ل دۆر(روناهيه‌ك ل سه‌ر قه‌ول و گه‌شتا مسكين تاجدين ژ لالشێ بۆ شامێ) بۆ نڤيسه‌ر ميرزا شێخ سلێمان رێكخست.
دانوستاندن ب ئاماده‌بوونا ژماره‌كا ئه‌كاديمى، كه‌سايه‌تى، مامۆستا و ره‌وشه‌نبيران ب ڕێڤه‌چوو، ل پێشه‌كيێ دەخیل نایف، ئه‌ندامێ ده‌سته‌يا بلند په‌يڤه‌ك پێشكێشكر و دياركر، بەردەوامیدان ب پێنج شەمبا رەوشەنبیری ئیرۆ ئەڤ دانوستاندنه هاته رێكخستن.
ل پێرا نڤيسه‌ر ميرزا شێخ سلێمان، روناهيه‌ك دا سه‌ر قه‌ول و قۆاغێن گه‌شتا مسكين تاجدين ژ لالشێ بۆ شامێ و چيرۆكا وى و کێ ئەڤ قەولە ڤەهوونایە، مسکین تاجدین یان ئێکی دی و چه‌ند زانياريێن دى ل سه‌ر دانه شلۆڤه‌كرن.
پاشان ده‌رگه‌هێ گه‌نگه‌شێ دناڤبه‌را ئاماده‌بوويان دا هاته ڤه‌كرن و تێدا چه‌ند پرسيار ئاراسته‌ى نڤيسه‌ر هاتنه كرن و هه‌موو هاتنه به‌رسڤدان.
ژبۆ پتر پێشڤه‌برنا بزاڤا هزرى و ره‌وشه‌نبيرى، ده‌سته‌يا بلندا بنگه‌هێ لالش يێ ڕه‌وشه‌نبيرى و كۆمه‌ڵايه‌تى ل دهۆكێ ل هه‌موو ڕۆژێن پێنج شه‌مبا مژاره‌كا گرنگ ل دۆر بابه‌ته‌كى رێكدئێخت و تێدا دانوستاندان ل سه‌ر دئێته كرن و پێشنيار و راسپارده دئێنه بلندكرن.
