رێزان كچل:حكومه‌تا هه‌رێمێ گرنگيه‌كا مه‌زن ب ڕزگاربوويێن ئێزدى دده‌ت
سه‌ما
برياره ل ده‌مه‌كێ نێزيك دا پرۆژێ پشته‌ڤانيكرنا دارايى بۆ رزگاربوويێن ئێزدى بكه‌فته دوارێ بجهئينانێ دا و حكومه‌تا هه‌رێمێ ته‌كه‌زيێ ل زێده‌تر خزمه‌تكاريكرنا ڕزگاربوويان دكت.
رێزان كچل،به‌رپرسێ نڤيسينگه‌ها لالش ل دێره‌بوونێ بۆ سه‌ما خوياكر،ڕاگه‌هاندنا پرۆژێ پشته‌ڤانيكرنا دارايى بۆ رزگاربوويێن ئێزدى ژ ده‌ستێ داعشێ ژلايێ سه‌رۆكێ حكومه‌تا هه‌رێمێ و پرۆژێ بنگه‌هێ لالش،ده‌ستپێشخه‌رييه‌كا باش بوو دڤێ بارودۆخێ نۆكه يێ ژيانێ دا،هه‌رچه‌نده چ بۆ كچ و ژنێن ئێزدى بێته كرن هێشتا كێمه.
كچل ئاماژه ب وێ چه‌ندێ دا ئه‌ڤ پێنگاڤه ژ ده‌رئه‌نجامێ پووته پێدانا حكومه‌تا هه‌رێما كوردستانێ و شه‌خسێ سه‌رۆكێ حكومه‌تێ رێزدار مه‌سرور بارزانى بۆ جڤاكا ئێزدى ب گشتى و دێ بته هانده‌ره‌ك بۆ سفككرنا بارێ ڕزگاربوويان.
ل ڕۆژا 2/7/2024ێ د ڕێوره‌سمه‌كا شايسته‌دا پرۆژێ پشته‌ڤانيكرنا دارايى بۆ رزگاربوويێن ئێزدى ژلايێ سه‌رۆكێ حكومه‌تا هه‌رێمێ ل هه‌ولێرا پايته‌خت هاته ڕاگه‌هاندن.
ڕاگه‌هاندنا پرۆژه‌ى بوويه جهێ دلخۆشيا ئێزيان ب گشتى و ڕزگاربوويان ب تايبه‌تى و ئۆمێده‌وارن هاريكارى و پشته‌ڤانى به‌رده‌وام بت داكو ڤه‌گه‌رنه ناڤ جڤاكى ڤه.
ژڤانه تا داويا ڤێ مه‌هێ پرۆژه بكه‌فته دوارێ بجهئينانێ دا و زێده‌ترى سێ هه‌زار ڕزگاربوويان دێ مفادار بن.