گه‌له‌ك قوتابيێن شنگالێ خۆ هێلاينه قۆناغا دووێ يا ئه‌زموونان
سه‌ما
ڕێڤه‌به‌رێ په‌روه‌رده‌يا شنگال يا خووندنا كوردى ڕادگه‌هينت،قوتابيێن شنگالێ نمره‌يێن باش ل ئەزموونێن قووناغا دوازدێ ئامادەیی بده‌ستڤه‌ئيناينه و گه‌له‌ك قوتابيێن ژى خۆهێلاينه قۆناغا دووێ يا ئه‌زموونان.
مه‌يسه‌ر حه‌جى،ڕێڤه‌به‌رێ په‌روه‌رده‌يا شنگال يا خووندنا كوردى بۆ سه‌ما ڕاگه‌هاند؛ ل ئەزموونێن قۆناغا دوازدێ ئامادەیی يێن قۆناغا ئێكێ نێزيكى 10قوتابيێن شنگالێ ل هه‌ردوو به‌شێن وێژه‌يى و زانستى ئەنجامێن باش ب تێكرايا 90% و پێهه‌لدا ئيناينه و ب گشتى ژ ئاستێ قوتابيان رازينه.
ناڤبرى گۆت ژى: گه‌له‌ك ژ قوتابيان ئێك تا دوو وانه‌يان برينه قۆناغا دووێ يا ئه‌زموونان،بۆ هندێ نمره‌يێن بلندتر بده‌ستڤه‌بينن.
ئەزموونێن قۆناغا دوازدێ ئامادەیی ل رۆژا 23/6/2024ێ دەستپێ کربوون و ل ڕۆژا 17/7/2024ێ داوى ئەزموون بوو.
ل رێکەفتی 19/7/2024ێ وه‌زاره‌تا په‌روه‌رده‌يا حكومه‌تا هه‌رێما كوردستانێ ئەنجامێن ئەزموونێن قوتابيان يێن قۆناغا ئێكێ ب پشکێن زانستی، وێژەیی و پیشەیی ڤه ڕاگەهاندن.