په‌روه‌رده‌يا شنگالێ هۆشداريێ ژ كێميا مامۆستا و قوتابخانه‌يان دده‌ت
سه‌ما
په‌روه‌رده‌يا شنگالێ يا خووندنا كوردى و سه‌رپه‌رشتێن په‌روه‌رده‌يى،هۆشداريێ ژ كێميا مامۆستا و قوتابخانه‌يان ل شنگالێ دده‌ن.
ڕۆژانه چه‌ندين خێزانێن ئاواره ل كه‌مپان ڤه‌دگه‌رنه سه‌ر جهێن خۆ،هه‌روه‌سا هنده‌ك ژى ل كه‌مپاندا دمينن،ئه‌ڤه يه‌ك بوويه ئه‌گه‌ر كێشه‌يا كێميا مامۆستا و قوتابخانه‌يان ل شنگالێ په‌يدا بت.
مه‌یسه‌ر حه‌جى،ڕێڤه‌به‌رێ په‌روه‌ردا شنگال يا خووندنا كوردى بۆ سه‌ما ڕاگه‌هاند؛ بۆ سالا بێت دێ ئاریشا كێمیا قوتابخانه ومامۆستایان بۆ قوتابیان ل شنگالێ په‌يدابت، ژبه‌ركو هنده‌ك قوتابى و مامۆستا چووینه شنگالێ وهنده‌ك ل ناڤ كه‌مپان ماینه ئه‌ڤه دێ ئاریشه‌یان په‌یدا كه‌ت.
زێده‌تر گۆت:بۆ سالا بێت قوتابخانه تێرا قوتابیان ل شنگالێ ناكه‌ن ب تایبەتی ژی یێن خووندنا زمانێ كوردى و عەرەبی،ژبه‌ر ڤەگەریانا هه‌ژمارەکا خێزانێن ئاوارە بۆ شنگالێ ومانا هنده‌ك خێزانان ل ناڤ كه‌مپان ئه‌ڤه دێ بته ئه‌گه‌ر ئاریشه‌يا كێميا مامۆستایان دروست بت.
ژلايه‌كێ ديڤه سه‌رپه‌رشته‌كێ په‌روه‌رده‌يى ل شنگالێ،نه‌خواست ناڤێ وى ئاشكه‌را بت بۆ سه‌ما دبێژت:دگه‌ل ڤه‌گه‌ريانا خێزانێن ئاواره بۆ شنگالێ هه‌ژمارا قوتابيێن خووندنا كوردى دێ زێده بن و دهه‌مان ده‌مدا دێ پێدڤى ب ڤه‌كرنا قوتابخانه‌يێن نوو بن،هه‌روه‌سا دامه‌زراندنا وانه‌بێژان ژلايێ حكومه‌تا هه‌رێمێ ئه‌ركێ گه‌له‌ك قوتابخانان ب ساناهى كريه بۆ ب ڕێڤه‌برنا پرۆسێسێسا په‌روه‌ردێ،ئه‌م دبينن كه‌رتێ په‌روه‌رده و فێركرنێ ل شنگال و كه‌مپان دێ تووشى ئاسته‌نگيێن مه‌زن بت.
پشتی هێرشا داعشێ بۆ سه‌ر شنگالێ چه‌ندين قوتابخانە هاتنە خراپکرن و تا نۆكه دووباره نه‌هاتینه ئاڤاكرن.