ناڤەندا نووچەیان – سەما
ده‌ست ب ئه‌نجامدانا هه‌ژماره‌كا پرۆژه‌يێن خزمه‌تگۆزارى ل گوند و كۆمه‌لگه‌هێن ناحيا ئه‌لقوش دێ ئێته كرن.
لارا يوسف، رێڤه‌به‌را ناحيا ئه‌لقوش بۆ سه‌ما دياركر، گه‌هاندنا پرۆژێن خزمه‌تگۆزارى بۆ وه‌لاتيان به‌رده‌وامه، نۆكه ژى كار ل سه‌ر چه‌ند پرۆژه‌يان ب تايبه‌ت چێكرنا رێكێن ناڤخۆيى ل گوندێن سه‌ر ب ناحيێ ڤه دئێته كرن و دقۆناغێن بجهئينانێ دانه.
رێڤه‌به‌را ناحيا ئه‌لقوش ئاشكراكر:” پرۆژه‌كێ دى يێ چێكرن و قێركرنا رێكێن ناڤخۆيى ل چه‌ند گوندان دێ ئێته ئه‌نجامدان و ل سه‌نته‌رێ ناحيێ ئاڤاهيه‌كێ نوو بۆ به‌ره‌ڤانيا شارستانى هاتيه دروستكرن”.
ناحيا ئه‌لقوش، ب دوراتيا 50 كيلۆمه‌تران دكه‌فته باكورێ باژێرێ مووسل و ژ روويێ كارگێرى ڤه سه‌ر ب پارێزگه‌ها نه‌ينه‌وا ڤه‌يه.