ناڤهندا نووچهيان – سهما
جڤاتا وەزیرێن عێراقێ ب شێوەیەکى فەرمی بەرنامەیێ حکومەتێ بۆ سالێن (2026 – 2029) پەسەند کر، کو پلانەکا بجهئینانێ یا هەمەلایەنە بخۆڤه دگرت، كو تهكهزێ دکەتە سەر ب داوى ئینانا دۆسهيێن مرۆڤی و مافێن هەلاویستی.
د. خهلهف شنگالى، شێوهرمهندێ سهرۆكێ حكومهتا عێراقێ بۆ كاروبارێن ئێزدييان ڕاگههاند، بەرنامەیێ حکومەتێ چارەسەرکرن و ب داوى ئینانا دۆسیهيا ئاوارەیێن ئێزدی و تەڤایا ئاوارەیێن دی وەک پێشەنگیيا هەرە مەزن یا حکومەتێ دیارکریيە، زێدەباری چەند پابەندێن سەرەکی بخۆ ڤه دگرت.
شنگالى ئاشكراكر: بهرنامهيێ حكومهتێ ئهوه بلهزكرنا ڤهگهڕيانا ئارهزوومهندانه يا ئاوارهيان بۆ دهڤهرێن خۆ يێن ڕهسهن، لهزكرن د مهزاختنا شایستەیێن دارایی یێن زیانڤێکەڤتييان و دابینکرنا تەماما مافێن خێزانێن شەهیدان، زێدهبارى ب هێزکرنا بەرنامەیێن چاڤدێریکرنا پێکهاتەیان و جێگیرکرنا مافێن وان یێن ڕەوا بۆ بجهئینانا سەقامگیریا جڤاکی یا هەمەلایەنە.
12 سال ب سهر جينۆسايدا ئێزدييان دهربازبوون. هێش نێزيكى 300 ههزار ئێزدى ژيانا خۆ د ناڤ كهمپان دا دبۆرينن و چاڤێ وان ل قهرهبووكرنێ يه كو جارهكا دى ڤهگهڕنه سهر وارێ خۆ.