ل ناحیا باعەدرێ هەژمارەکا پرۆژان دێ ئێنە ئەنجامدان

سه‌ما

رێڤه‌به‌رێ ناحيا باعەدرێ دیارکر، حکومەتا هەرێما کوردستانێ دێ هه‌ژمارەکا پرۆژێن خزمەتگۆزاری ل باعەدرێ ئه‌نجامده‌ت، نوکە کار ل سەر هندەك پرۆژەيان دئێتە کرن.

ڕێزان میرزا بەگ، رێڤەبەرێ ناحیا باعەدرێ بۆ  سه‌ما راگەهاند، پرۆژه‌ پێكهاتینە ژ سەخبێرکرنا رێکێن ناڤخۆيى ل گوندێ شێخ هەسەن وچێکرنا رێکێن ناڤخۆ ب درێژاهیا (600)م دگەل رەخێن جادێ ل سەنتەرێ ناحیا باعەدرێ و چێکرنا پرۆژێ ئاڤێ ل گوندێ دێدەڤانا کەڤن سەر ب باعەدرێ ڤە.

گۆتژى: ژ وان پرۆژان ژى بەرفرەهکرنا و دانانا تابوک معشق دگەل کریبستون ل ده‌ستپێكا باعەدرێ و جادا قوتابخانە شەهید مەحمود ئێزدی و سەبکرنا حەوشا هۆلا خێری بەگ وسەخبێرکرنا باخضێ زارۆکا ل سەنتەرێ ناحیا باعەدرێ وچێکرنا رێکا گۆڕستانا گوندێ دیدەڤانێ .

ئاماژه‌ ب وێ چه‌ندێ دا ژ پرۆژێن دى چێکرنا رێکێن ناڤخۆيى ل گوندێ بێرستەکێ وسیاجکرنا گۆڕستانا گوندێ دێرکێ ب درێژاهیا (300)م وتەمامکرنا پرۆژێ ئاڤا گوندێ فەقیرێت شنگال وتەمامکرنا پرۆژێ ئاڤا گوندێ شکەفتیانا نوی وچێکرنا عمباره‌كا ئاڤێ بۆ گوندێ مام ئێزدینا وچێکرنا پرۆژی ئاڤا گوندێ شێخ هەسەن.