سه‌ما
ئێڤاريا ئيرۆ رۆژا سێ شه‌مبوويێ 30ى تيرمه‌ها 2024ێ، ڕێوره‌سمێن جه‌ژنا چلێ هاڤينێ ب به‌رهه‌ڤبوونا بابێ شێخ و جۆقهتا وى و كه‌سايه‌تيێن ئۆلى ده‌ست پێ كه‌ن.
صباح سمير،به‌رپرسێ راگه‌هاندنا بابێ شێخ،ئیرۆ 30ی تیرمەا 2024ێ بۆ سه‌ما دياركر،ئيرۆ بابێ شێخ و جۆقهتا خۆ و كه‌سايه‌تيێن ئێزدى يێن ئۆلى و قەولبێژ و خلمه‌تكار دێ قه‌ستا لالش بكه‌ن ژبۆ گێرانا ڕێوره‌سمێن جه‌ژنا چلێ هاڤينێ.
ديار ژى كر،بۆ ماوێ سێ ڕۆژان ڕێوره‌سم دێ ئێنه گێران و رۆژانە رێورەسمێن قەنتەرە و بەیتا ئێڤاری و سەما ،هەر دیسان ل سبەیکا ژی بەیتا جندی و بەیتا سبێ دئێنە گێران.
جه‌ژنا چلێ هاڤينێ هه‌ر سال دكه‌فته ڕۆژا 2/8،ب ڕێوره‌سمێن ئۆلى ل په‌رستگه‌ها پيرۆزا لالش دئێته کرن.