ناڤەندا نووچەیان – سەما
ئيرۆ ئێکشەمبێ، 9ی تەباخا 2026، سەرۆک مەسعود بارزانی پێشوازی ل خانم هۆلی ڤێیر، کۆنسولا نوو یا بریتانیا ل هەولێرێ کر.
کۆنسولا گشتییا بریتانیا خۆشحالییا خۆ ب دیدارا سەرۆک بارزانی و دەستبکاربوونا خۆ وەک کۆنسولا نوویا بریتانیا ل هەرێما کوردستانێ نیشاندا.
کۆنسولا بریتانیا گۆت: ئەو دێ بەردەوام بیت ل سەر بزاڤێن خۆ بۆ گرنگیدانا زێدەتر ب پەیوەندیێن دناڤبەرا هەرێما کوردستانێ و بریتانیا، هەروەسا سەرسامییا خۆ ب پێشکەفتنێن هەرێما کوردستانێ د وارێن جۆدا دا دیار کر.
سەرۆک بارزانی بخێرهاتنا کۆنسولا نوویا بریتانیا ل هەرێما کوردستانێ کر، هیڤیا سەرکەفتنێ بۆ د ئەرکێن وێ دا خواست و ئامادەییا خۆ ژ بۆ پشتەڤانیکرنا ئەرکێن وێ ل هەرێما کوردستانێ راگەهاند.
رەوشا سیاسییا عێراقێ و پەیوەندیێن دناڤبەرا هەردو حکومەتێن هەرێما کوردستانێ و عێراقا فیدڕالی دا تەوەرەکێ دی یێ دیدارێ بوو.
سەرۆک بارزانی دیار کر: پەیوەندییا دناڤبەرا حکومەتا هەرێما کوردستانێ و حکومەتا فیدڕالییا عێراقێ، ب سەرۆکاتییا سەرۆکوەزیران عەلی زەیدی، د قووناغەکا زۆر باش دایە و هەماهەنگی و لێکتێگەهشتنەکە باش دناڤبەرا هەردو ئالییان دا هەیە.