سه‌عيد جردۆ:كه‌نالێ سه‌ما مينبه‌ره‌كه ژبۆ گه‌هاندنا په‌ياما ئێزدیان بۆ جيهانێ
سه‌ما
سه‌رۆكێ ده‌سته‌يا بلندا بنگه‌هێ لالش دياركر،ل ده‌مه‌كێ یه‌كجار نێزیك ده كه‌ناڵێ سه‌ما دێ ده‌ست ب وه‌شانا خۆ كه‌ت و ببته مینبه‌ره‌ك ژبۆ گه‌هاندنا په‌ياما ڕوویێ گه‌شێ ئێزدیاتیێ ژبۆ شه‌قاما كوردستانی و عیراقى و جیهانێ ب گشتی.
سه‌عيد جردۆ،سه‌رۆكێ ده‌سته‌يا بلندا بنگه‌هێ لالش يێ ڕه‌وشه‌نبيرى و كۆمه‌ڵايه‌تى ل دهۆكێ،ئيرۆ دووشه‌مبوويێ 22ى تيرمه‌ها 2024ێ بۆ سه‌ما دياركر،به‌رى ئه‌ڤه چه‌ندین سالا یه‌ك ژداخوازی و خه‌ونێن بنگه‌هێ لالش ئه‌وبوو كو لژێر سێبه‌را سیاسه‌ت و یاسایێن حكومه‌تا هه‌رێما كوردستانێ كه‌ناله‌كی تايبه‌ت ب هه‌موو ئالیێن ژین و ژیارا جڤاكا ئێزدی بهێته ڤه‌كرن،ئه‌و بوو ب پشته‌ڤانى یا راسته‌وخۆیا جه‌نابێ سه‌رۆكێ حكومه‌تێ كاك “مه‌سروور بارزانی” به‌ری چه‌ند هه‌یڤه‌كا ده‌ست ب دابینكرنا هه‌موو پێتڤیێن ڤه‌كرنا كه‌نالێ “سه‌ما” یێ سه‌ر ب بنگه‌هێ لالش ڤه هاته‌كرن هه‌ر ژ ئاڤاهیا باره‌گایێ كه‌ناڵ بگره و هه‌تا دابينكرنا هه‌موو كه‌ڵوپه‌ل و ئامێره‌كێ بڤێت،زێده‌بارى به‌رهه‌ڤكرنا ستافه‌كی گه‌نج و ژێهاتی ژ كوڕ وكچێن ئێزدی.
ئاشكه‌راكر:ئیرۆ ژى ب شانازی ڤه لۆگۆیێ كه‌نالێ “سه‌ما” تى ڤى وێ ئێته به‌لاڤكرن وه‌كو به‌رهه‌ڤیه‌ك ژبۆ ده‌ستپێكرنا په‌خشێ ڤى كه‌نالى ل ده‌مه‌كێ یه‌كجار نێزیك ده ب هیڤیا ئه‌ڤ كه‌ناڵ ڕۆله‌كێ سه‌ركه‌فتیانه بگێرێ ل گه‌هاندنا په‌یاما هیڤی و داخوازیێن مه ئێزدیا و ئێش و ئازارێن مه و دیرۆك و جوگرافیه‌ت و كه‌لتۆرێ مه.
گۆت ژى:سه‌ما وێ ببه پره‌كا مكوم دناڤبه‌را مه و هه‌موو ئۆل و نه‌ته‌وه‌ياندا ژبۆ خورتكرنا جانێ برایه‌تيێ و یه‌كترقه‌بوولكرنێ،هه‌روه‌سا ئه‌م ب هيڤى نه كو هه‌موو پێكهاتێن كوردستانى ڕه‌نگێن خوه و وێنه‌يێن خوه ل سكرينا ڤى كه‌نالى دا ببينن.
سه‌رۆكێ بنگه‌هێ لالش خوياكر ژى:ئه‌ڤ كه‌ناڵ دێ بته مینبه‌ره‌ك ژبۆ گه‌هاندنا په‌ياما ڕوویێ گه‌شێ ئێزدیاتیێ ژبۆ شه‌قاما كوردستانی و عیراقى و جیهانێ ب گشتی.
ئێكه‌مين جاره د ديرۆكێ دا كه‌ناله‌كێ ئێزديان بناڤێ سه‌ما ب پشته‌ڤانيا حكومه‌تا هه‌رێما كوردستانێ بۆ جڤاكا ئێزديان دئێته دامه‌زراندن.
سەرۆکێ حکومەتا ھەرێما کوردستانێ به‌رده‌وام خۆ ل ئێش و ئازارێن کوردێن ئێزدی کريه خودان و د ماوەیەکێ کێمدا چەندین بڕیار د بەرژه‌وەندا ئێزدیان داينە.