سوودانی: پەکەکێ وەکو رێکخراوه‌كا قەدەغەکری بده‌نه نیاسین
سه‌ما
سەرۆكوەزیرێن عيراقێ دنڤيساره‌كا فه‌رمى دا داخوازێ ژ هه‌موو فه‌رمانگه‌هێن حكومه‌تێ دكه‌ت، كو پارتا كرێكارێن كوردستانێ (پەكەكێ) وەكو پارته‌كا قەدەغەكری ناڤێ وێ بینن.
لدووڤ نڤیساره‌كێ كو د. فەلاح عەبوودی، رێڤەبەرێ گشتییێ فەرمانگەها كاروبارێن كارگێڕی ل ئەمیندارییا گشتییا جڤاتا نوونەرێن عێراقێ، كو ئه‌و نڤیساره ئاراستەیی ژمارەكا فەرمانگەهێن سەر ب جڤاتا نونەران كرییە، ئاماژە ب نڤیسارا ژمارە (25401) یا ئەمیندارییا گشتییا جڤاتا وەزیرێن عێراقێ كرییە.
د وێ نڤیسارێ دا هاتییه،كو ل سەر راسپاردا محەمەد شیاع سوودانی، سەرۆكوەزیرێن عێراقێ و فەرماندێ گشتییێ هێزێن چەكدارێن عێراقێ، ژ ئه‌ڤرۆ وێڤه ل هه‌موو گوتار و نڤیسارێن فەرمیدا ناڤێ پارتا كرێكارێن كوردستانێ ب (پارتا كرێكارێن كوردستانێ – یا قەدەغەكری) بهێته نڤيسین.
ئه‌ڤ نڤيساره د ده‌مه‌كى دايه،ل ماوێ چه‌ند هه‌فتيێن بۆرى سوپايێ توركيا ئۆپه‌راسيۆنێن سه‌ربازى ل دژى په‌كه‌كێ ل سنوورێ قه‌زايا ئامێديێ دژوار كرينه و ب ئه‌گه‌رێ شه‌رى و ئالۆزيان،ژماره‌يه‌كا وه‌لاتيێن سڤيل بووينه قوربانى و چه‌ندين دۆنه‌مێن عه‌ردێن خه‌لكێ گوندان هاتنه سۆتن.