وه‌زاره‌تا ناڤخۆ: ئیراق ل هه‌مبه‌رى مه‌ترسییا مادده‌یێن هشبه‌ره
گاڤ
وه‌زاره‌تا ناڤخۆ یا ئیرانێ راگه‌هاند، ئیران ل هه‌مبه‌رى مه‌ترسییا مادده‌یێن هشبه‌ر دایه و بتنێ د ساله‌كێ دا 20 تۆڕێن بیانى و زێده‌تر ژ 200 تۆڕێن بازرگانى هاتینه ده‌سته‌سه‌ركرن.
عه‌مید میقداد میرى، په‌یڤدارێ وه‌زاره‌تا ناڤخۆ یا ئیراقێ راگه‌هاند، د سالا بۆرى دا ئه‌و شیاینه 20 تۆڕێن بیانى و 204 تۆڕین بازرگانیكرنێ ب مادده‌یێن هشبه‌ر ب هه‌لوه‌شینن.
هه‌روه‌سا دیاكریه، بتنێ د ئێك سال دا ده‌ست ب سه‌ر ته‌ن و نیڤیێن مادده‌یێن هشبه‌ر دا بگرن و د هه‌یاما دو سالێن بۆرى دا زێده‌تر ژ پێنج ته‌نێن مادده‌یێن هشبه‌ر ژ ناڤ ببه‌ن.
هه‌روه‌سا ئاشكراكریه، سزا ب سه‌ر 425 بازرگانان دا هاتیه سه‌پاندن و پترییا بازرگانان ژى گرۆپێن چه‌كدارى هه‌نه.
په‌یڤدارێ وه‌زاره‌تا ناڤخۆ دازانین بتنێ ل سالا 2023یێ 17 تاوانبار و ئه‌ڤ ساله ژى چار بازرگان ل ده‌ما رووبڕووبونێ ل گه‌ل هێزێن ئێمناهیێ هاتینه كوشتن.