ناڤەندا نووچەیان – سەما
وەزارەتا ساخلەمیا عێراقێ ڕاگەهاند کو فۆرما ئەلکترۆنی یا دامەزراندنا ناڤەندی دێ هێتە کاراکرن و خشتێ دەمێ پێشکێشکرنێ لدیڤ پسپۆرییان بەلاڤکر.
لدیڤ ڕاگەهاندنەکا وەزارەتێ، دەمێ پێشکێشکرنێ دێ بڤی ئاوایی بت:
دەرچوویێن کۆلیژێن نوژداریا ددانا: ژ 1 هەتا 14ـی ئەیلۆلا 2025.[1]
دەرچوویێن کۆلیژێن دەرمانسازیێ: ژ 15ـی ئەیلۆلێ هەتا 1ـی چریا ئێکێ یا 2025.[1]
دەرچوویێن پەیمانگەهان ب هەمی پسپۆریێن خۆڤە: ژ 1ـی چریا ئێکێ هەتا 1ـی چریا دووێ یا 2025.[1]
دەرچوویێن کۆلیژێن تەکنیکی: ژ 1ـی چریا دووێ هەتا 1ـی کانوونا ئێکێ یا 2025.[1]
دەرچوویێن دەرڤەی عێراقێ و دەرچوویێن کۆلیژ و پەیمانگەهێن هەرێما کوردستانێ: ژ 1ـی هەتا 15ـی کانوونا ئێکێ یا 2025.[1]
وەزارەتێ ئاشکرا کریە، کو فۆرما تایبەت ب نوژدارێن دەرچوویێن دەرڤەی عێراقێ و هەرێما کوردستانێ، و هەروەسا فۆرما دەرچوویێن پەرستاریێ یێن هەرێما کوردستانێ، دێ ل سپێدەهیا ڕۆژا 1-9-2025 هێتە گرتن.
ئەحمەد دووبەردانی، جێگرێ سەرۆکێ لیژنا ساخلەمیێ ل جڤاتا پارێزگەها نەینەوا، بڕاگەهاند، ئەڤ دامەزراندنە دەرچوویێن زانکۆ و پەیمانگەهێن نوژداری و ساخلەمیێ یێن هەرێما کوردستانێ یێن کو خەلکێ دەڤەرێن ماددێ 140ـن ڤەدگرت، نەکو هەموو دەرچوویان.