سەرۆک بارزانی پێشوازییا شاندەکێ هەڤبەشێ باڵوێزێن هەشت وڵاتێن عەرەبی کر
سه‌ما
د بەردەوامییا کۆمبوونێن سەرۆک بارزانی ل بەغدایێ، ئەڤرۆ ل گەل بالیۆز و نوینەرێن هەشت وەلاتێن عەرەبی کۆمبوو و پشتی کۆمبوونێ راگەهاند: سەقایەکێ ئەرێنی ل ئیراقێ هەیە.
ڕۆژا پێنجشەمبی 4ێ تەممووزا 2024 ل باژێرێ بەغدا سەرۆک مەسعود بارزانی پێشوازییا شاندەکێ هەڤبەشێ باڵوێزێن هەشت وڵاتێن عەرەبی کر، کۆ پێکهاتبوون ژ تارق عەبدوڵڵا ئەلفەرەج باڵوێزێ کوێتێ ل عێراقێ، سوڵتان موبارەک ئەلکوبەیسی باڵوێزێ قەتەر ل عێراقێ، ئەحمەد سەمیر حلمی باڵوێزێ مسر ل عێراقێ، خالد ئەحمەد ئەلمەنسور باڵوێزێ بەحرێن ل عێراقێ، شێخ مەحموود ئەلخروسی باڵوێزێ عومان ل عێراقێ، زێد ئەبو حسان هەڵسووڕێنەرێ باڵوێزخانا ئوردن ل عێراقێ، سەعید ئەلقەحتانی هەڵسووڕێنەرێ باڵوێزخانا سعودیە ل عێراقێ، محەمەد ساڵح ئەلتنیجی هەڵسووڕێنەرێ باڵوێزخانا ئیمارات ل عێراقێ.
بارەگایێ بارزانی دەربارەی کۆمبوونێ راگەهاند: سەرۆک مەسعوود بارزانی د کۆمبوونێ دا گۆتییە نوینەرێن وەلاتێن عەرەبی کو نوکە سەقایەکێ ئەرێنی و گونجای بۆ چارەکرنا کێشەیان ل بەغدایێ هەیە، لەورا وی ئەڤ سەرەدانە کرییە و ئارمانج ژ سەرەدانێ نەهێلانا گرێک و ئالۆزییانە داکو ئیراق سەقامگیر ببیت و دێ سەقامگیرییا ئیراقێ کارتێکرنەکا ئەرێنی ل سەر سەقامگیرییا دەڤەرێ هەبیت.