ناڤهندا نووچهيان – سهما
مير حازم تهحسين بهگ، ميرێ ئێزديان ل كوردستان، عێراق و جيهانێ پێشوازى ل شێخ ستار جبار حلو، سهرۆكێ ئايينێ سابئه مهندائيان ل عێراقێ و جيهانێ و شاندێ دگهڵدا كر.
د ههڤديتنێ دا، ميرێ ئێزديان تيشك خسته سهر پرسێن ههڤبهش يێن ئايينان پێكڤهگرێددهن و پهيامێن ئايينى يێن هاندانا ڤيان و برايهنى و پێكڤهژيانا ئاشتيان دكهن.
ميرێ ئێزديان دووپاتكر، ئهركێ ههموو سهركردهيێن ئايينانه گۆتارێن كهرب و كينێ ڕهت بكهن و خۆ ژ بكارئينانا پلاتفۆرمێن ئايينى بۆ پرۆپاكندهيێن ڤان جۆره گۆتاران دوور بێخن.
ههروهسا ميرى ههڵويستێ شێخ ستار جهبار و ههموو ئهندامێن سابئه مهندائيان بڵند نرخاند بۆ پشتهڤانيكرنا پرسێن كێمينهيان و ب تايبهت ئێزديان و هشياركرنا خهڵكێ ل سهر رهوشا نالهبارا ئێزديان و ئهو جينۆسايدا بسهرێ ئهواندا هاتى ل سهر دهستێ تيرۆرستێن داعشێ.
