مەسروور بارزانی پیرۆزباهيێ ل سێ ئێكه‌مێن پۆلا 12ێ ئامادەیی دکه‌ت
سه‌ما
ل گەڵ ڕاگەهاندنا ئەنجامێن ئه‌زموونێن گشتى يێن پۆلا 12ێ ئاماده‌يى بۆ سالا خووندنێ 2023-2024، سەرۆکێ حکوومەتا هەرێما کوردستانێ پەیامه‌كا پیرۆزباهیێ ئاراستەی قوتابیێن ئێكه‌م و بنەماڵ و مامۆستایان كر.
مەسروور بارزانی،سەرۆکێ حکوومەتا هەرێما کوردستانێ چەپکەگوڵ و پەیاما پیرۆزباهيێ گەهاندە هەموو قوتابیێن ئێكه‌مێن پۆلا 12ێ بۆ سالا خواندنێ 2023-2024.
دپەیاما سەرۆکوەزیران مەسروور بارزانیدا بۆ هەر ئێك ژ قوتابیێن ئێكه‌م هاتيە: قوتابيێن خۆشتڤى ب هه‌لكه‌فتا سەرکەفتنا وه ل خووندنا پۆلا 12ێ ئامادەیی، گەرمترین پیرۆزباهيان ل وه دکەم و ب ڕێيا وه‌يێن هێژا سوپاسى و پێزانینێن خۆ ئاراسته‌ى خێزان و مامۆستايێن وه يێن خۆڕاگر دكه‌م و ماندووبوون و دڵسۆزيا وان بلند دنرخينم.
سەرۆکوەزیران مەسرور بارزانی بۆ قوتابیێن ئێكه‌م نڤيسیە: هيڤيدارم ل قۆنا‌غێن ئاییندە يێن ژیانێ سەرکەفتى تر بن بۆ خزمەتكرنا کوردستانێ.