سه‌ما
رێڤه‌به‌رێ په‌روه‌ردا قه‌زا شنگال يا خواندنا كوردى ئاماژێ ب وێ چه‌ندێ دكه‌ت، زێده‌ترى هه‌زار وانه‌بێژان ژ بریارا سه‌رۆكێ حكومه‌تا هه‌رێما كوردستانێ مفادار بووینه، ئه‌ڤ هه‌ژمارا وانه‌بێژان هه‌موو بووینه گرێبه‌ست.
مه‌یسه‌ر حه‌جى سالح، رێڤه‌به‌رێ په‌روه‌ردا قه‌زا شنگال بۆ سه‌ما راگه‌هاند: هه‌زار و 113 وانه‌بێژێن سه‌ر ب په‌روه‌ردا شنگالێ ڤه ل بریارا رێزدار مه‌سرور بارزانى، سه‌رۆكێ حكوومه‌تا هه‌رێما كوردستانێ مفادار بووینە، ئه‌ڤ بریارە بوویه جهێ دلخۆشیا مامۆستایێن وانه‌بێژ و بریاره‌كا گه‌له‌ك هەژی بوویه، هه‌موو وانه‌بێژ ژی دێ ب سه‌ر قوتابخانه‌یان ئێنه به‌لاڤ كرن و دێ باشتر خزمه‌تا په‌روه‌ردێ ئێتە کرن.
ئاشكراكر: پشتى گرێبه‌ستكرنا وانه‌بێژان پتريا كێشه‌يێن خواندنێ ل په‌روه‌رده‌يا شنگال بۆ سالا نوو يا خواندنێ دێ ئێنه چاره‌سه‌ركرن.
ل رێككه‌فتى25/8/2024ێ، سەرۆکوەزیران مەسرور بارزانی د کۆمبوونەکێ دا دگەل ژمارەکا نوونەرێن مامۆستایێن وانەبێژ، پشتی گوهدارکرنا داخواز و داخوازیێن وان، بڕیار دا ل سەر داهاتێ ناڤخۆیی یێ حکومەتێ، هەموو وانەبێژ کو ژمارا وان نێزیکی 38 هه‌زار کەسان دبت، ببنە گرێبەست.