ناحيا باشيكێ دێ بته قه‌زا
سه‌ما
لدووڤ راسپاردێن سه‌رۆكوه‌زيرێن عيراقێ بريار هاته دان ناحيا باشيكێ ببته ده‌هه‌مين قه‌زا ل سه‌ر ئاستێ پارێزگه‌ها نه‌ينه‌وا.
غه‌زوان حامد،رێڤه‌به‌رێ ناحيا باشيكێ،ئيرۆ 16ى تيرمه‌ها 2024ێ د داخويانيه‌كێ دا بۆ سه‌ما گۆت: سه‌رۆكوه‌زيرێن عيراقێ محه‌مه‌د شياع سودانى ب نڤيساره‌كا فه‌رمى داخواز كريه ناحيا باشيكێ ببته قه‌زا،ئه‌ڤ بريار پێدڤى ب ڕه‌زامه‌نديا جڤاتا پارێزگه‌ها نه‌ينه‌وا ڤه هه‌يه و ب زه‌حمه‌ته دنۆكه دا بكه‌فته دوارێ بجهئينانێ دا.
رێڤه‌به‌رێ ناحيا باشيكێ ئاشكه‌راكر:ئه‌گه‌ر باشيك ببته قه‌زا دێ هندەک کۆمەلگەهێن دى ببنە ناحیە و ئه‌م دبينن پتر خزمه‌تا ده‌ڤه‌رێ ب تايبه‌ت ژ ئاليێ خزمه‌تگۆزاريان ڤه ئێته كرن.
ناحيا باشيكێ گرێدايى قه‌زا مووسل سه‌ر ب پارێزگه‌ها نه‌ينه‌وا ڤه‌يه و دكه‌فته رۆژهه‌لاتێ مووسل ب دوراتيا 12كيلۆمه‌تران ل ده‌شتا نه‌ينه‌وا،پتريا ئاكنجيان ئێزدى نه و هه‌روه‌سا رێژه‌يه‌كا ئاينێن دى ژ موسلمان و مه‌سيحيان و شه‌به‌كان ل وێ ده‌ڤه‌رێ ئاكنجى نه.