سه‌ما
10 سال ب سه‌ر جینۆسایدا ئێزديان دەربازدبن،هه‌تا نۆكه حكومه‌تا عيراقێ هه‌ڤكارنه‌بوویه و دانپێدان ب كه‌یسا جینۆسایدێ نه‌كریه.
خشو میرزا،به‌رپرسێ بنگه‌هێ لالش تايێ شنگال بۆسه‌ما دياركر،چوو خزمه‌ت بۆ قوربانیان و زیانڤیكه‌فتیێن خه‌لكێ شنگالێ نه‌هاتیه كرن،ئه‌و سۆزێن به‌غدا داینه شنگالیان هێشتا بجهـ نه‌ئیناینه.
گۆت ژى:خه‌لكێ شنگال هه‌تا نوكه قوربانیێ دده‌ن و جینۆسایدا ئێزديان یا به‌رده‌وامه،چوو پێنگاڤێن باش بۆ شنگال نه‌هاتینه هاڤێتن ژلایێ حكومه‌تا عيراقێ ڤه و داخواز دكه‌ین رێكکه‌فتنا شنگالێ بكه‌فته دوارێ بجهئينانێ دا.
پشتى بۆرينا 10سالان ل سه‌ر جينۆسايدا ئێزديان ل شنگالێ،هێشتا چاره‌نڤیسێ زێده‌ترى 2 هه‌زار گرتيێن ئێزدى يێ ديارنينه،وێرانى ب سيمايێ باژێرى ڤه دياره.
تا نۆكه دەستێ ئاڤەدانيێ نەگەهشتيە ده‌ڤه‌رێ و نه‌هاتيه ئاڤەدانكرن بۆ هندێ ئاوارە ب تەمامى ڤه‌گەرنە سه‌ر زێدی خۆیان.