ڕاوێژکارەکێ ئێزدی:کۆتا تاکە چارەسەری یە بۆ ئێزدیان
سه‌ما
ڕاوێژکارەکێ ئێزدی ل په‌رله‌مانێ كوردستانێ ئاشكه‌راكر،ئێزديان ئيرۆ پێدڤی ب کۆتايێ هه‌يه هه‌تا بكارن پشكداريێ ل هەلبژارتنێن بێت يێن پەرلەمانێ کوردستانێ دا بكه‌ن و نوونه‌رێ خۆ مسۆگه‌ر بكه‌ن.
شێخ زێدۆ باعه‌درى،راوێژكار و سياسه‌تمه‌دارێ ئێزدى بۆ سه‌ما دياركر،ل هه‌لبژارتنێن بێت يێن په‌رله‌مانێ كوردستانێ باشتر دبينن كۆتا تاكه چاره‌سه‌رى يه بۆ پشكداريا ئێزديان دهه‌لبژارتنان دا.
باعه‌درى خويا ژى كر،دوپاتيێ ل كۆتايێ دكه‌ين داكو ئێدى زولم ل كوردێن ئێزدى ل پارێزگه‌ها دهۆكێ نه‌ئێته كرن و نوونه‌رێ خۆ ل په‌رله‌مانێ كوردستانێ هه‌بت و هەر هۆسا بۆ پەرلەمانێ بەغدا ژی.
ل چه‌ند خۆلێن بۆرى يێن هه‌لبژارتنێن په‌رله‌مانێ كوردستانێ به‌ربژارێن ئێزدى ب تايبه‌ت ل سه‌ر ليستا پارتى ديموكراتى كوردستان نكارينه ده‌نگێن پێدڤى بده‌ستڤه‌بينن،له‌وا بۆ هندێ كوردێن ئێزدى بێ بار نه‌بن ل په‌رله‌مانى پارتى نوونه‌رێ ئێزديان ل سه‌ر ليستا خۆ ده‌رباز كرينه.
برياره ل 20ى ئوكتۆبه‌را 2024ێ هه‌لبژارتنێن خۆلا شه‌شێ يێن په‌رله‌مانێ كوردستانێ ب رێڤه‌بچن.