سه‌ما
شێورمەندێ ئاسایشا نەتەوەیی یا عیراقێ، داخاز ژ وەلاتێن ئێکه‌تیا ئەورۆپا کر، کو وەلاتیێن خۆ ژ کەمپا هۆلێ ل سوریێ ڤەگەرینن وەلاتێن خۆ.
نڤیسینگەها راگەهاندنا قاسم ئەعرەجی د به‌ياننامه‌يه‌كێ دا راگه‌هاند، قاسم ئەعرەجی ل برۆکسل پایتەختێ بەلجیکا د دەمێ مێڤانداریا وی ل ئەنجومەنا هەڤپەیمانیا ناتۆ کو ل سەر داخازا باڵیۆزێ ئیتالیا ل هەڤپەیمانیێ مارکۆ پیرۆناچی چویی، چاڤدێریەک ل سەر بەرنامێ کارێ حکومەتێ کریە د وارێ سیاسەتا دەرڤە و گرنگیدانێن ستراتیژی بۆ عیراقێ، هەروەسا هەلویستێ عیراقێ دەربارەی رویدانێن رۆژهەلاتا ناڤین.
ئەعرەجی د كۆمبوونێ دا داخازا عیراقێ گەهاندە وەلاتێن ئێكه‌تیا ئەورۆپا و گۆت: ئەم داخاز دکەین کو وەلاتیێن خوە ژ کەمپا هۆلێ ل سوریێ ڤەگەرینن وەلاتێن خۆ، چنکو مەترسیێن مەزن ل سەر کەمپێ هەنە.
هەروەسا گۆت: ناتۆ دێ بەردەوام بت د هاریکاریا عیراقێ دا، د وارێن راهێنانا هێزێن ئەمنی یێن عیراقێ و مفا وەرگرتن ژ پسپۆریێن هەڤپەیمانان، بێ چ بەشداریەکا لەشکەری و چەکداری.
ژ ئالیێ خۆ ڤە، نوونەرێن وەلاتێن ناتۆ پەسنا بەردەوامیا هاریکاریا عیراقێ کرن، د وارێ پێشڤەبرنا ئاسایش و سەقامگیریا دەڤەرێ دا.