سه‌ما
ئەنجوومەنێ ئاسایشا نیشتیمانی یا عیراقێ ئاشکرا دکەت، هەتا نۆکە 45% ژ ژن و زارۆکێن مالباتێن داعش کو ب رەگەز عیراقی نە هاتینە ڤەگەراندن.
سەعید جیباشی، شێوه‌رمەندێ کاروبارێن ستراتیژی ل ئەنجوومەنێ ئاسایشا نیشتیمانی یا عیراقێ، بۆ ئاژانسا فەرمی یا عیراقێ (واع) راگەهاندیە، ژ کۆما 20 هه‌زار ژن و زارۆکێن مالباتێن داعش کو ب رەگەز عیراقی نە، هەتا نۆکە نەهـ هه‌زار کەس ژ وان بۆ وەلات هاتینە ڤەگەراندن و هاتینە خستنە خۆلا دووبارە پێگه‌هاندنێ کو ئەو ژی 90 رۆژا ڤه‌دکێشت، 11 هه‌زار ژن و زارۆک ژی مانە.
کەمپا هۆلێ مەزنترین کەمپا ژن و زارۆکێن مالباتێن داعشه ل رۆژئاڤایێ کوردستانێ و نێزیکی 50 هه‌زار ژن و زارۆک ژ دەهان رەگەزنامەیێن وەلاتێن جیهانێ تێدا هاتینە راگرتن، ژ وێ ژمارێ ئەوێن ب رەگەز عیراقی ژمارا وان دگەهتە 20 هه‌زار کەسان.