سه‌ما
ب بريارا مه‌سرور بارزانى، سه‌رۆكێ حكومه‌تا هه‌رێما كوردستانێ،پرۆژێ پێدانا مينحه‌يا دارايى ب سه‌ر ڕزگاربوويێن ئێزدى ده‌ستپێكريه و ئيرۆ ل ناحيا خانكێ به‌رده‌وامى پێ دئێته دان.
ل ڕۆژا دووشه‌مبوويێ 5ى ته‌باخا 2024ێ،ل بنگه‌هێ لالش تايێ خانكێ ده‌ست ب پرۆسه‌يا پێدانا مينحه‌يا دارايى بسه‌ر ڕزگاربوويێن ئێزدى ژ ده‌ستێ داعشێ هاته كرن.
پرۆژێ پێدانا مينحه‌يا دارايى سبه‌ى ل بنگه‌هێ لالش تايێ شێخان و دووسبه‌ى ل نڤيسينگه‌ها لالش ل كۆمه‌لگه‌ها دێره‌بوونێ دێ به‌رده‌وامى ب دابه‌شكرنێ ب سه‌ر ڕزگاربوويان ئێته دان.
دڤى پرۆژه‌ى دا 3575 رزگاربوويێن ئێزدى ژ ده‌ستێ داعشێ ل وه‌لات و ژ ده‌رڤه‌ى دێ مفادار بن.
دوهى 4/8/2024ێ ل كۆمه‌لگه‌ها شاريا دكونفرانسه‌كێ رۆژنامه‌ڤانى دا سه‌عيد جردۆ سه‌رۆكێ بنگه‌هێ لالش پرۆژێ پێدانا مينحه‌يا دارايى يێ رێزدار مه‌سرور بارزانى سه‌رۆكوه‌زيرێن هه‌رێما كوردستانێ بۆ ڕزگاربوويان راگه‌هاند.
رزگاربوويێن ئاكنجى ل شنگال،دكارن دماوێ ڤان رۆژان دا سه‌ره‌دانا كۆمه‌لگه‌ها شاريا بكه‌ن بۆ وه‌رگرتنا هاريكاريا دارايى.
رزگاربوويێن ل ده‌رڤه‌ى وه‌لاتى ئاكنجى دكارن ب ئۆنلاين فۆرمه‌كێ پر بكه‌ن.
پێدانا مينحه‌يا دارايى ب ڕێيا تايى و نڤيسينگه‌هێن بنگه‌هێ لالش دئێته به‌لاڤكرن و ژ مه‌ها هه‌شت يا ئيساله ده‌ست پێ دكه‌ت.
كابينا نه‌هێ يا حكومه‌تا هه‌رێما كوردستانێ ب رێيا پرۆژێن جودا جودا گرنگيه‌كا زۆر ب كوردێن ئێزدى و ب تايبه‌ت رزگاربوويێن ژ ده‌ستێ داعشێ دده‌ت،بۆ هندێ هنه‌كێ ژ ئێش و ئازارێن وان سڤك بكه‌ت.
