سه‌ما
په‌یڤدارێ كۆمه‌لگه‌ها ده‌رگه‌هێ سنۆرى یێ ئیبراهیم خه‌لیل راگه‌هاند، هاتنوچوون ل ده‌رگه‌هێ سنۆرى یێ ئیبراهیم خه‌لیل ئاساى یه و چ كێشه نینن.
كامى كه‌مال، په‌یڤدارێ كۆمه‌لگه‌ها ده‌رگه‌هێ سنۆرى یێ ئیبراهیم خه‌لیل راگه‌هاند، دڤان چەند رۆژێن دەربازبوویی دا ژمارەیەکا گەلەکا وه‌لاتییان ل ئێراق و هەرێما کوردستانێ کو ژ وەلاتێن ئەوروپا هاتبوون ژبەر ڤەبوونا دەوامێن قوتابخانەیان گەلەک ژوان پێکڤە ڤەگەریانە وەلاتێن ئەوروپا و هەروەسا ئەو زیارەتکارێن وەلاتێ تورکیا ئەوێن کو سەرەدانا نەجەف و کەربەلایێ کرین ڤەگەریان .. هتد، ئەڤ چەندەژی بوویە ئەگەر کو کێمەک قەرەبالغی ل ده‌رگه‌هى بۆ گه‌شتیاران دروست ببیت.
دیار ژى كر، ئەڤ جۆرە قەرەبالغیە ل دەرگەهێن سنۆری یێن دناڤبەرا دو وەلاتان دا دیاردەیەکا ئاساییە، ژبه‌ر ڤێ یه‌كێ ژى خەلکێ خۆ یێ هێژا ئاگەهدار دکەین بەرۆڤاژییا هندەک نوزچەیێن سوشیال میدیایێ یێن بێ بنەما چ قەرەبالغی و گرفت بۆ گەشتیاران نینن و هاتن و چوون یا ئاساییە.
كامى كه‌مال دازانین، ب بەردەوامی ژی سەرپەرشت و رێڤەبەرییا کومەلگەهێ ل گەل ئالیێن پەیوەندیدار یێن وەلاتێ تورکیا دهەماهەنگیێ دایە و کار دهێتە کرن کو گەشتیارێن هێژا بێ کێشەو گرفت هاتنوچوونێ ئاسایی بکەن.