سه‌ما
پشتیبۆرينا 3 مه‌هان ل سه‌ر روودانێ، هۆكارێن سه‌ره‌كی یێ كه‌فتنا خوارێ یا فڕۆكا ئیبراهیم ره‌ئیسی سه‌رۆك كۆمارێ به‌رێ یێ ئیرانێ هاته ئاشكراكرن
ئاژانسا فارس نیوز ل سه‌ر زمانێ به‌رپرسه‌كێ بلند یێ ئه‌منی یێ ئیرانێ به‌لاڤكر، چه‌ند هۆكار بووینه ئه‌گه‌رێ كه‌فتنا خوارێ یا فڕۆكا ئیبراهیم ره‌ئیسی سه‌رۆك كۆمارێ ئیرانێ لێ هۆكارێ سه‌ره‌كی گرانییا فڕۆكێ بوو.
هه‌روه‌سا به‌لاڤكر، شه‌ڤا به‌ری رودانێ ژلایێ كه‌شناسییێڤه ده‌مێ راكرنا فڕۆكێ بۆ تیمێ فڕۆكه‌ڤانی هاتبوو دیاركرن و بڕیار بوو ده‌مژمێر 1ێ پشتی نیڤرۆ فڕۆكه بلند ببت.
هه‌روه‌سا به‌لاڤكر فڕۆكه ژ ده‌مێ دیاركری یێ خۆ ده‌ره‌نگتر ده‌ست ب فڕینێ كر زێده‌باری ڤێ چه‌ندێ فڕۆكێ كێشه‌كا زێده‌تر ژ ئاستێ ئاسایی یێ خۆ هه‌لگرتبوو، هه‌روه‌سا كه‌ش و هه‌وایێ خراب ژی بووینه ئه‌گه‌رێ هندێ كو تیمێ فڕۆكه‌ڤانی كۆنترۆلا فڕینا فڕۆكێ ژ ده‌ست بده‌ن.
ئاماژه ب وێ چه‌ندێ ژی دا ب ئه‌گه‌رێ دروستبوونا ته‌م و مژێ و كێمبوونا شیانا دیتنێ فڕۆك خۆ ل چیایه‌كی دا و هاته شكه‌ستن.
ژێده‌رى پشت راستكر، ل گۆر ڤه‌كۆلینێن تیمێن ئه‌منی و هه‌والگری كه‌فتنا خوارێ یا فڕۆكا ئیبراهیم ره‌ئیسی روودانه‌ك بوویه و چ كارێن خرابكاری ل پشت نه‌بوینه ئاماژه ب وێ چه‌ندێ ژی هاتیه دان كو هۆكارێ سه‌ره‌كی یێ رویدانێ زێده‌بوونا كێشا فڕۆكێ بوویه.
ل گۆر ژێده‌رى نێزیكی 30 هزار كه‌سان به‌شداری د ڤه‌كۆلینێن كه‌فتنا خوارێ یا فڕۆكا سه‌رۆك كۆمارێ ئیرانێ دا كرینه، كو د ئه‌نجام دا چه‌ند به‌رپرسێن بلند یێن ئیرانێ د ناڤ واندا وه‌زیرێ ده‌رڤه گیانێ خۆ ژ ده‌ست دان رودان ل 19ێ گۆلانا بۆری ل باكورێ رۆژئاڤایێ ئیرانێ روودا.