سه‌ما
ئه‌پل پلانێ ددانیت بۆ ده‌رئێخستنا نوو یا “ماك مینى” كو دێ بیته بچووكترین كۆمپيوته‌ر كو كۆمپانى به‌رهه‌م دئینیت هه‌تا نوكه ل دویڤ وێ چه‌ندێ كو ئاژانسا “بلوومبێرگ” دوهى پێنج شه‌مبوويێ به‌لاڤكرى.
ئاژانسێ ئاماژه ب وێ چه‌ندێ كر كو “ئامێرێ نوو ئه‌نجامێ پرۆسێن پێشڤه‌برنێ یه بۆ ئامێرێن ماك كو ب پرۆسێسه‌رێن دیجیتال یێن پشته‌ڤانكرى ب هزرا ده‌ستكرد هاتینه بهێزكرن”.
مۆدێلێ نوو كو بریاره ل ده‌مه‌كێ پاشتر ژ ڤى سالى بێته ده‌رئێخستن دێ بیته ئێكه‌مین گوهۆرینا مه‌زن د دیزاینێ ماك مینى دا ژ ده‌مێ نویكرنا وێ د سه‌رده‌مێ ستیڤ جۆبز دا ل سالا 2010 ل دویڤ كه‌سێن شاره‌زا د ڤى وارى دا.
ئامێر دێ گه‌له‌ك بچووكتر بیت ژ یێ به‌رێ و دێ نێزیكى قه‌بارێ ئامێرێ “ئه‌پل تى ڤى” (Apple TV) بیت ل دویڤ وان كه‌سان كو داخواز كرن ناڤێن وان نه‌ئێنه ئاشكراكرن.
ماك مینیێ نویكرى ئێك ژ چهندین ئامێرێن ماك یێن نوو یه كو دێ ل ده‌مێ چه‌ند هه‌یڤێن داهاتى ئێنه ئاشكراكرن.
كۆمپانى خوه ئاماده دكزت بۆ دزرئێخستنا مۆدێلێن نوو یێن iMac و MacBook Pro ب پرۆسێسزرێن دیجیتال یێن M4 ل ده‌مه‌كێ زوو ژ ڤى سالى هه‌روه‌سا ئامێرێن MacBook Air د قۆناغا پێشڤه‌برنێ دا نه بۆ به‌هارا داهاتى و بریاره مۆدێلێن Mac Pro و Mac Studio ل نیڤا سالا داهاتى بهێنه ده‌رئێخستن.
د سه‌ركه‌فتنه‌كا نوو دا بۆ ئه‌پل ئه‌ڤه جارا ئێكێ یه كو كۆمپانى هه‌مان نفشێ پرۆسێسه‌رێن M4 دهه‌موو ئامێرێن ماك یێن خوه دا دادنیت پرۆسێسه‌رێ M4 سیلیكۆن – كو هه‌ر نوكه د iPad Pro دا هه‌یه – ب خاسیه‌تا خه‌بتاندنا تایبه‌تمه‌ندیێن هزرا ده‌ستكرد یێن نوو دهێته نیاسین كو ئه‌پل دێ ده‌ست ب ده‌رئێخستنا وان كه‌ت ل ده‌مه‌كێ پاشتر ژ ڤى سالێ.