سه‌ما.
تيك تۆك تايبه‌تمه‌نديێن نوى داينه ده‌ستپێكرن بۆ باشتركرنا ئه‌زموونا په‌يامێن راسته‌وخۆ ب رێكا پێشكێشكرنا خزمه‌تا “كۆما گه‌پوگۆيێ” Group Chats، و هنارتنا ستيكه‌رێن ده‌ربڕينێ Stickers د ناڤ گه‌پوگۆيان دا.
تيك تۆك تايبه‌تمه‌ندييا گه‌پوگۆيا كۆمه‌كى پێشكێش دكه‌ت، كو رێ دده‌ت بكارهێنه‌ران ئه‌زموونا ته‌ماشه‌كرنێ پاربكه‌ن، و كارلێكێ دگه‌ل هه‌ڤالان و خێزانێ بكه‌ن د ده‌مێ راسته‌قينه دا، ل دويڤ دانپێدانه‌كا فه‌رمى.
ئه‌ڤ تايبه‌تمه‌نديه رێ دده‌ت كۆمه‌كێن تايبه‌ت بهێنه چێكرن كو دگه‌هنه 32 كه‌سان، ئه‌ڤه ژى په‌يوه‌ندييا چڤاكى ل سه‌ر پلاتفۆرمێ باشتر دكه‌ت.
د چارچۆڤێ هه‌ولدانا خۆ دا بۆ دابينكرنا ژينگه‌هه‌كا ئارام، نه‌مازه بۆ بكارهێنه‌رێن ژ ته‌مه‌نێ 13 هه‌تا 17 سالان، تيك تۆك رێكارێن پاراستنێ دانانه بۆ پاراستنا وان ژ په‌يوه‌ندييێن نه‌خوازراو، لۆما تايبه‌تمه‌ندييا گه‌پوگۆيا كۆمه‌كى بۆ كه‌سێن ته‌مه‌نێ وان د ناڤبه‌را 13 و 15 سالان دا نينه.
بۆ دلنيابوون ژ پێشكێشكرنا ئه‌زموونه‌كا ئارام بۆ هه‌موويان، تيك تۆك چه‌ند رێكارێن دى دانانه بۆ پاراستنا ئه‌زموونا گه‌پوگۆيا كۆمه‌كى، كو هه‌مى كه‌س دشێن كۆنترۆلا نه‌به‌شداربوونا خۆ د هه‌ر كۆمه‌كێ دا بكه‌ن ئه‌گه‌ر نه ب رێكا هه‌ڤال و خێزانێ بيت، ئانكو ئه‌و كه‌سێن كو بكارهێنه‌ر دشۆپينيت و ئه‌و وى دشۆپينن ل سه‌ر پلاتفۆرمێ.
هه‌روه‌سا نۆجوانێن ته‌مه‌نێ وان د ناڤبه‌را 16 و 18 سالان دا ناشێن ببنه ئه‌ندام د هه‌ر كۆمه‌كا گه‌پوگۆيێ دا، ئه‌گه‌ر كهسهك ژ بهشداربوويان نهبيته د ليستا هه‌ڤالان دا، و پشتى هنگێ دڤێت ئههو ب خۆ پهستا دوگمهكێ بكهت بۆ به‌شداربوونێ د كۆمێ دا.
ئه‌گه‌ر نۆجوانه‌ك كۆمه‌كا گه‌پوگۆيێ چێكه‌ت، دێ كۆنترۆلا تهمام ههبيت بۆ پێداچوونا داخوازێن به‌شداربوونێ و پهسهندكرنا وان به‌رى رێدانێ بۆ به‌شداربوونێ.
باشكرنێن نوى هه‌روه‌سا ئامرازێن زێدهكرنا كۆنترۆلێ د گه‌پوگۆيان دا ڤهدگريت، وهك بێدهنگكرنا گه‌پوگۆيان Mute، قهدهغهكرن Block، و راپۆرتكرنا ناڤهرۆكا سه‌رپێچى رێنمايێن چڤاكى Report.
ستيكه‌رێن ده‌ربڕينێ
تايبه‌تمه‌نديێن نوى هه‌روه‌سا تايبه‌تمه‌ندييا ستيكهران د په‌يامێن راسته‌وخۆ دا ڤهدگريت، كو ئارمانجا وێ دهولهمهندكرنا ئه‌زموونا بكارهێنهرانه ب رێكا ئامرازێن دیتنی كارلێكه‌ر، كو نوكه بكارهێنه‌ر دشێن ستيكه‌رێن خۆ يێن تايبه‌ت چێبكهن و پاربكه‌ن، ئه‌ڤه ژى رهههندهكێ نوى زێده دكه‌ت بۆ داهێنان و دهربڕينا كهسى.
تايبه‌تمه‌نديێن نوى دێ گههنه هه‌موو بكارهێنه‌ران ل سهرانسهرى جيهانێ د ناڤ ئهپليكهيشنا تيك تۆك يا تهلهفۆنێن زيره‌ك دا، ب شێوهيهكێ بهرهبهره د رۆژێن داهاتى دا.