سه‌ما
پشكەكا بەربژارێن هەلبژارتنێن بێت یێن پەڕلەمانێ كوردستانێ د تۆڕێن جڤاكی و لێدوانێن خۆ دا جۆرەكێ بانگەشێ بۆ خۆ دكەن.
كۆمسیۆنا بلند یا هەلبژارتنێن عیراقێ دبێژیت، لیژنەكا تایبەت هاتییە پێكئینان و چەندین سزا بۆ سەرپێچكاران هاتینە ئامادەكرن.
جومانە غەلای، پەیڤدارا كۆمسیۆنا بلند یا سەربەخۆ یا هەلبژارتنێن عیراقێ ڕاگەهاند، ” هەر بەربژار و لایەنەکێ پشكدار د هەلبژارتنان دا پێش دەمێ دیاكری بانگەشێ بكەت، سزایێ وی دێ ب سزایێ دارایی دەستپێكەت و هەتا هەلوەشاندنا بەربژاربوونا وی یان ژی بێبەشكرنا حزب و هەڤپەیمانییا سەرپێچكار د هەلبژارتنان دا. ئەو سزایە ژی ژلایێ لیژنا تایبەت یا كۆمسیۆنێ و ل دویڤ سەرپێچییا بەربژاری بڕیار دێ ل سەر هێتەدان. ”
دیار ژی كر، ڕێ ب كەسێ ناهێتەدان بانگەشێ بكەت و پشتی پەسەندكرنا ناڤێ بەربژاران و ل دەمێ یاسایی دا دێ رێ ب بانگەشێ هێتەدان.