دئێزدیاتییێدا هاتییە زەلال کرن سیفەتێن مرۆڤان دهندەک بویەراندا دئێنە ناسین و دهندەک دیارداندا د بنە جهێ گازیندەیێن جڤاکی و دهندەک رووداناندا دبنە پرسگرێکێن ئایینی ژ بێرێزیێ و سایگۆلۆرزما گشتی یان برغماتی.
کەسانێ ب کفرت یان پەیڤ و خەبەران بۆ خۆ بکەتە کار دێ د ناڤا جڤاکیدا رووسار دبت و خەلک دێ وان کفری و خەبەرا بۆڕا ب رەوشت دانێن و ئەو کەسە نابتە جهێ رێزێ و باوەریێ لەوما دئەدبێ دینێ ئێزدییاندا هاتیە دیار کرن ژ قەولێ هەسەدێ ئالتەوری دبێژت:
هون بوختانیێ مەکەن بران
دلێ خۆ سافی بکەن ژ غەدران
زۆر ژ ڤێ دنیایێ چۆن ب گونەهێت گران.
ژ قەولێ بەیگۆ یا دبيێژت:
وێ ل بەیگۆیا و عەوانە
دلێ وان خالی نەبت ژ ئێش و ژانە
یێ بچاڤێ خۆ نەدیتی و دکەن بوختانە .
ژ قەولێ پیری کار دبێژت:
یە حەرامە سەلەف و دزی و دەرەوو
و کوشتن و زنا و خەبەردان ژنەبوو
و یێ ژغێری خودێ را سجودە بوو .
ژ قەولێ ئاخەرتێ دەتە دیار کرن :
ژ نەدیتنێ ڤە د بێرێزن
کفریا دکەن و ڤەدگوهێزن
ل ئاخرەتێ دێ ل دزەخێ کەڤزن .
ژ بەتا سبێ د دەتە دیار کرن و دبێژت:
ئیمان ئەوە یا وە بری
چاڤ نە دەنە خەلکێ موشەمری
دا ژ تالییا وە رانەبت کفری .
سەر دەمێ نوح پێخەمبەر خەلک عالەم بێ پوتەبوون و خەبەر و کفری ب زمانێ خۆ گۆتن و خودێ غەزەب ل وان باران و تۆفان لێ رابوو لەوما ژ قەولێ زەبونی مەکسور دبێژت:
بو بەدیلا نوحێ نەبی یە
د دلێ واندا هەبو زۆر کفری یە
ئەو ل خودێ خۆ بونە ئاخی یە .
بشتی وێ هەیوانێ
د دلێ واندا نە مە خۆفا ئیمانێ
ئەو هەمو غەرقین ب ئاڤا تۆفانێ.
خۆسکا ب وێ روحێ یا هاژی خودێ و ئاخرەتێ هەبت و خۆ ب پارێزت ژ کفریێ و دەرەوێ و ژ نەبوو و بوختانیێ ئەو دێ بەخیتێ خودێ بت لەوما ژ ئەدەبێ دینێ ئێزدیان ژ قەولێ بەحرا سۆر دبێژت:
ل ڤێ دنیایێ ببەخش بە
ل دیوانا بهنا گولێت گەش بە
ل گۆتنا زمانێ خۆ ب نەقش بە .
