سه‌ما
كونسۆلێ گشتی یێ ئیتاليا ل هه‌ولێرێ سه‌ره‌دانا په‌رستگه‌ها لالش كر و ژ نێزيك ڤه هايدارى ديرۆك و فه‌لسه‌فه‌يا ئۆلا ئێزديان بوو.
ئيرۆ شه‌مبوويێ 31ى ته‌باخا 2024ێ، میکێلی کامێرۆتا، كونسۆلێ گشتی یێ ئیتاليا ل هه‌ولێرێ دگه‌ل خێزانا خۆ سه‌ره‌دانا په‌رستگه‌ها لالش كر و ب گه‌رمی ژئاليێ بابا چاويش و عه‌لی خدر به‌رپرسێ نڤیسینگه‌ها ئه‌نجوومه‌نێ روحانی يێ ئێزديان ڤه هاته پێشوازیکرن.
کامێرۆتا، گه‌ريانه‌ك دناڤ هوندۆرێ په‌رستگه‌ها لالش دا كر و ژنێزيك ڤه ئاگه‌هدارى فه‌لسه‌فه‌يا ئایینی یا ئێزدیان و رێوره‌سمێن ئایینی یێن ل په‌رستگه‌هێ دئێنه گێران بوو.
كونسۆلى گرنگیه‌که مه‌زن دا ناسینا فه‌لسه‌فا ئایینی یا ئێزدیان و هویرکاریێن رێوره‌سم و ئایینێن وان، کو ئه‌ڤه ژی پێداگیریا وی ل سه‌ر تێگه‌هشتنه‌کا کورتر بۆ ڤێ چاندا ده‌وله‌مه‌ند دیار دکه‌ت.
سه‌ره‌دانا کامێرۆتا بۆ په‌رستگه‌ها لالشێ وه‌ک گاڤه‌کا گرنگ بۆ پێشڤه‌برنا په‌یوه‌ندیێن ڕه‌وشه‌نبيرى و ئایینی دناڤبه‌را ئیتالیا و هه‌رێما کوردستانێ دا دئێته هژمارتن.
هه‌روه‌سا ئه‌ڤ سه‌ره‌دان گرنگیا گوهۆرینا ڕه‌وشه‌نبيرى و ئایینی د ئاڤاکرنا پرێن تێگه‌هشتن و لێک تێگه‌هشتنێ دناڤبه‌را چاندێن جودا دا دیار دکه‌ت.
