سه‌ما
ئيڕۆ ئێک شەمبوويێ 8/25/2024ێ، مەسرور بارزانی سەرۆکێ حکومەتا هەرێما کوردستانێ، پێشوازی ل هژمارەكا نوونەرێن مامۆستایێن وانەبێژ یێن هەرێما کوردستانێ کر.
سەرۆکێ حکومەتێ سوپاسییا مامۆستایان و وانەبێژان کر کو زێده‌باری ره‌وشا دژوارا دارایی، درێژی ب ئەرک و پەیاما پیرۆزا خۆ دایه و بەرپرسیاره‌تییا خۆ بجهئینایه.
سەرۆکێ حکومەتێ گۆت: مخابنی ب شێوەكێ دادپەروەرانە مامەلە ل گەڵ هەرێما کوردستانێ نائێته کرن، هەر بۆ نموونە د ئاستێ حکومەتا فیدراڵیدا، ل پارێزگه‌هێن دیترێن عيراقێدا، ب تنێ د ماوێ ساله‌کێ دا ، نێزیکی ئێک ملیۆن کەس هاتینه دامەزراندن، بەلێ ب تنێ وان ئێک کەس ژی بۆ هەرێما کوردستانێ دانەمەزراندییە.
سەرۆکێ حکومەتێ پشتی گوهێ خۆ دایه خواست و داخوازییێن مامۆستایێن وانەبێژ، بڕیار دا ل سەر داهاتێ ناڤخۆیێ حکومەتا هەرێمێ، هه‌موو وانەبێژێن هەرێما کوردستانێ کو هژمارا وان نێزیکی 38 هه‌زار کەسانه بكه‌نه گرێبەست.
نوونەرێن مامۆستایێن وانەبێژ، سوپاس و پێزانینێن خۆ بۆ خەمخۆری و پشته‌ڤانییا سەرۆکێ حکومەتێ و بجهئینانا داخوازییێن وان دەربڕی.