سه‌ما
ل سەر راسپاردەیا مەسرور بارزانی سەرۆکێ حکومەتا هەرێما کوردستانێ، سێ پرۆژێن خزمەتگۆزاری ل پارێزگەها هەڵەبجە دێ ئێنە جێبەجێکرن.
کاوە عەلی کەریم، جێگرێ پارێزگارێ هەڵەبجە د راگەهاندنەکێ دا بەلاڤ کر، رازیبوونا مەسرور بارزانی، سەرۆکێ ئەنجومەنا وەزیران یا هەرێما کوردستانێ هاتیە وەرگرتن بۆ تەرخانکرنا بودجەیا پێدڤی بۆ جێبەجێکرنا سێ پرۆژێن خزمەتگوزاری ل سنوورێ پارێزگەهێ.
ب گۆتنا جێگرێ پارێزگارێ هەڵەبجە پرۆژە، چێکرنا ئاڤرێژا سندوقی و سه‌خبێركرنا رێيا بەر نەخۆشخانا گشتی یا هەڵەبجە کو ژ بەر له‌هيێ خراب بوویە، چێکرنا ئاڤاهیێ رێڤەبەریا گشتی یا چاندنێ یا هەڵەبجە و چێکرنا ئاڤاهیێ بنگەهێ پۆلیسێ شەهید سەرکار د ناڤ خۆ دا دگرت.