ناڤهندا نووچهیان – سهما
ئيڕۆ پێنج شەمبوويێ، 5ـی ئادارا 2026، سەرۆک بارزانی ب ههلكهفتا یادا سهرهلدانا ئادارا1991 پەیامهك بهلاڤ كر و تێدا هاتييە، ب هەلکەفتا سـيهـ و پێنجەمین ساڵڤەگەرا دەستپێکرنا سهرهلدانا گەلێ کوردستانێ، پیرۆزباهیيێ ل مالباتێن سەربلندێن شەهیدان و پێشمەرگەهێن قارەمان و خەلکێ خۆشتڤی يێ کوردستانێ دكهين. گۆتژى: هیڤیدارین هەر چی كێشه و ناکۆکی یێن ل دەڤەرێ هەی، ب ڕێيێن ئاشتیانە چارەسەر بن.
دەقێ پەیاما سەرۆک بارزانی
ب ناڤێ خودایێ مەزن و دلۆڤان
ب هەلکەفتا سی و پێنجەمین ساڵڤەگەرا دەستپێکرنا ڕاپەڕینا گەلێ کوردستانێ، پیرۆزباهیێ ل مالبەتێن سەربەرزێن شەهیدان و پێشمەرگەهێن قارەمان و خەلکێ خۆشتڤیێ کوردستانێ و هەموو وان نیشتیمانپەروەر و تێکۆشەر و ئازادیخوازان دکەم کو ڕۆڵ د بدەستڤەئینانا وێ دەستکەفتا ب بها یا گەلێ مە دا هەبوویە.
ڕاپەڕین بەرهەم و درێژەپێدهرا خەبات و قوربانیدانا دەهان ساڵێن جەماوەر و هێزێن خەباتكهر يێن کوردستانێ بوو. ئەڤ بوویەرا پڕی شانازی، بۆ تاک ب تاکێ کوردستانیان ل نوکە و پاشەڕۆژێ دا، هەلگرتا پەیاما خۆڕادەستنەکرنێ و ئازادیخوازی و ئیرادەیا ژیانەکا سەربەرزانەیە.
نوکە دەڤەرا مە د ڕەوشەکا گەلەک ئاڵۆز و هەستیار دا دەرباز دبیت و هیڤیدارین کو هەر چی ئاریشە و ناکۆکی یێن ل دەڤەرێ هەی، ب ڕێکا ئاشتیانە بگەهیتە ئەنجام و چارەسەریێ. ئەم ژی ئەوا ژ دەستێ مە بهێت دێ کەین بۆ هندێ کو کوردستان ژ شەڕ و نەهامەتی و نەخۆشیان دوور بیت و یا پاراستی بت.
د وێ بیرئینانا پیرۆز دا، سلاڤان بۆ شەهیدێن سههلدانێ و هەموو شەهیدێن ڕێکا ئازادیا کورد و کوردستانێ دهنێرین.