ل ڕۆژەکا وەکو ئيرۆ ل رێکەفتی 25/9/2017 گەلێ کوردستانێ ب رێبەریا لێڤەگەرێ گەلێ کوردستانێ، سەرۆك مەسعود بارزانی، بڕیارەکا مێژوویی ل سەر چارەنڤیس و شێوەییێ پەیوەندیا خۆ دگەل دەولەتا عێراقێ دا، هەروەسا ئەنجامدانا ریفراندۆمێ بوو دەستکەفتەکی مێژوویێ یێ گرنگ و بەلگەیەکا دیرۆکی یا بەردەست ژ بۆ هەر دەمەکی گونجای کو دەولەتا کوردستانێ پێ بێتە ڕاگەهاندن و مللەتێ کورد پێ شاد و سەرفەرازبت.
بڕیارا ئەنجامدانا ڕیفڕاندۆمێ قۆناغەکا دی یا گرنگا خەبات و تێکۆشینا بزاڤا رزگاریخوازیا گەلێ کوردستانێ بوو، گرنگیا زێدەتر یا ئەنجامدانا ریفراندۆمێ ئەو بوو، کو وێ پرۆسەیێ، نە ب تنێ هەرێما کوردستانێ، بەلکو دەڤەرێن کوردستانی یێن دەرڤەیی ئیدارەیا هەرێمێ ژی ب خۆڤە گرت.
ل 25/9/2017 ریفراندۆما خەلکێ کوردستانێ بۆ سەربەخۆیيێ ب کەڕنەڤال و ئاهەنگێن جەماوەری یێن بەرفرەهـ، ب جۆش و خرۆش ل هەموو ناوچه و دەڤەرێن کوردستان ب رێڤەچوو، 93٪ ژ خەلکێ کوردستانێ دەنگ بۆ سەربه‌خۆبوونا کوردستانێ دا.
ئەنجامدانا ریفراندۆمێ، بەرهەمێ رەنج و خەبات و رەتکرنا سەد سالێن ستەم و ژێردەستیێ بوو و ڕۆژا ئێك دەنگی و ئێك هەڵویسییا گەلێ کوردستانێ بوو، ل ژێر سەرکێشی و ڕێبەریا سەرۆك بارزانی، تەنانەت خۆشترین رۆژا گەلێ کورد بوو ل هەر چوار پارچەیێن کوردستانێ.
گەلێ کوردستانێ ژ روویێ ئاخ، زمان، کەلتوور، دیرووك و شوناس، دەسهەڵاتا سیاسی و هەموو بنەمایێن پێناساندنێ، مینا گەلەكێ سەربەخۆ خودان هەموو تایبەتمەندیێن خۆ یە وماف هەیە، بڕیارێ ل سەر چارەنڤیسێ خۆ بدەت و شێوازێ پەیوەندیا خۆ دگەل دەولەتا عیراقێ دیاربکەت.
سلاڤ ل ڕۆژا ڕیفراندۆما سەربەخۆییا کوردستانێ.
هەر بلند و پیرۆزبت ئالایێ کوردستانێ
کوردستان هەرا ئارام و ئاڤەدان بت
ده‌سته‌يا بلندا بنگه‌هێ لالش يێ ڕه‌وشه‌نبيرى و كۆمه‌ڵايه‌تى/ دهۆك
25/9/2024