سه‌ما
دەزگەهێ ئاسایشا نیشتیمانی یا عیراقێ راگەهاند،”هەتا نها زێدەتر ژ چار هه‌زار وەلاتیێن عیراقی ژ کەمپا هۆلێ ڤەگەراندینە عیراقێ”.
بريكارێ وەزارەتا کۆچ و کۆچبەرێن عیراقێ ژی دبێژت: کەمپا هۆل بوویە جهەک بۆ پەروەردەکرنا نفشەکێ نوی یێ داعش و ئەگەر چارەسەر نەبت، هەڕەشا وێ دێ ژ سالا 2014ێ زێدەتر بیت.
نێزیکی 50 هزار ژن و زارۆکێن چەکدارێن بەرێ یێن داعش ل کەمپا هۆلێ نە کو دکەڤتە پارێزگەها حەسەکە یا رۆژئاڤایێ کوردستانێ.
سەعید جیاشی، شێورمەندێ دەزگەهێ ئاسایشا نیشتیمانی یا عیراقێ، راگەهاند، هەتا نها چار هزار و 390 هاووەلاتیێن عیراقی ژ وێ کەمپێ ڤەگەراندینە و نێزیکی 20 هزارێن دی مانە، گۆتژی، حکومەتا عیراقێ دیتنەکا جودا هەیە ژ وەلاتێن دی، چونکی هەول ددەت ئەو خێزان وەک بەرێ ژیانەکا نۆرمال هەبن و ڤەگەرینیتەڤە ناڤ جڤاکێ.
هەروەسا، کەریم نووری، جێگرێ وەزارەتا کۆچ و کۆچبەرێن عیراقێ، دبێژیت: کەمپا هۆل بوویە جهەک بۆ پەروەردەکرنا نفشەکێ نوی یێ داعش و ئەگەر چارەسەر نەبت، هەڕەشا وێ دێ ژ سالا 2014ێ زێدەتر بیت. وی ئاماژە دا “عیراق ئێکەم وەلاتێ جیهانێ یە ب هاریکاریا یەکێتیا ئەورۆپا و رێکخراوان کار بۆ پووچەلکرنا بۆمبا دەمکیراوە یا کەمپا هۆل دکەت”.
دبێژت ژى: 11 رێکخراوێن نێڤدەولەتی بەشداریێ د دووبارە شیاندنەڤەیا ڤەگەریایێن کەمپا هۆل ل کەمپا جەدعە دکەن، ب جۆرەکی ئەوێن تێکەل ب جڤاکێ کرینەڤە، ئەنجامەکێ دلخوەشکەر هەبوویە.