سه‌ما
فه‌رمانده‌یا ناڤه‌ندی یا ئه‌مریكا ڕاگه‌هاند، ل پارێزگه‌ها ئه‌نبار 7 له‌شكه‌رێن ئه‌مریكی بریندار بوون.
فه‌رمانده‌هیێ ئه‌و یه‌ك ئاشكرا كر، د ئێریشه‌كا هه‌ڤپشك دا دگه‌ل هێزێن عیراقی ل پارێزگه‌ها ئه‌نبار ل رۆژئاڤایێ عیراقێ 7 له‌شكه‌رێن ئه‌مریكی بریندار بوون، ژ وان پێنج له‌شكه‌ر د ده‌مێ ئێریشێ دا بریندار بوون، هه‌روه‌سا دوو له‌شكه‌رێن دی ژی ب ئه‌گه‌رێ كه‌فتنێ بریندار بوون و ره‌وشا ته‌ندروستیا بریندارا جێگیره.
دوهی ئینيێ، خانه‌یا راگه‌هاندنا ئه‌منی یا عیراقێ به‌لاڤكر، كو 14 تیرۆرست ل چۆلێن ئه‌نبار هاتنه كوشتن كو دناڤ واندا چه‌ند سه‌ركرده‌یێن داعش هه‌نه.
هه‌ر دوهی، فه‌رمانده‌هیا ناڤه‌ندی یا ئه‌مریكا ڕاگه‌هاند، هێزێن وان چالاكیه‌كا هه‌ڤپشك دگه‌ل هێزێن عیراقی ل ئه‌نبار ئه‌نجام دایه كو ب وێ ئه‌گه‌رێ 15 چه‌كدارێن داعش هاتنه كوشتن.