ناڤه‌ندا نووچه‌يان – سه‌ما
جڤاتا ئاسایشا نیڤده‌وڵه‌تى يا گرێدايى نه‌ته‌وه‌يێن ئێكگرتى، دێ ئيڕۆ سێ شه‌مبوويێ، ل دۆر ڕه‌وشا گشتییا عیراقێ كۆم بت.
كۆمبوون ل ده‌مژمێر پێنجی ئێڤارى ب ده‌مێ عيراقێ دێ ب ڕێڤه‌چت، ل دووڤ به‌ياننامه‌يا ژلايێ نوونه‌راتيا نه‌ته‌وه‌يێن ئێكگرتى ل عيراقێ “يونامى” هاتيه ڕاگه‌هاندن.
لدووڤ به‌ياننامه‌يێ، دئێته چاڤه‌ڕێكرن كو محه‌مه‌د ئه‌لحسان، هنارتيێ تايبه‌ت يێ ئه‌ميندارێ گشتيێ نه‌ته‌وه‌يێن ئێكگرتى ل عيراقێ ڕاپۆرته‌كێ ل دۆر ڕه‌وشا عيراقێ و يونامى پێشكێش بكه‌ت.
دئێته چاڤه‌ڕێكرن كارێ نوونه‌راتيا نه‌ته‌وه‌يێن ئێكگرتى ل عيراقێ ل داويا ساڵا 2025 ب داوى بێت، كو ب بڕيارا جڤاتا ئاساييشێ ژماره 1500ل ته‌باخا 2003 هاتبوو پێكئينان.