سه‌ما
ئەندامەکێ لژنا نەفت و گازێ ل پەرلەمانێ عیراقێ ڕاگەهاند، شاندەکێ وەزارەتا نەفتا عیراقێ، ب ئارمانجا دانوستاندنێ ل سەر مەزاختییێ بەرهەمئینانا نەفتێ ژ لایێ کۆمپانییێن نەفتێ و پڕۆسەیا دەستپێکرنا هنارتنا نەفتا کوردستانێ دێ سەرەدانا هەرێما کوردستانێ کەت.
د.سەباح سوبحی، ئەندامێ لژنا نەفت و گازێ ل پەرلەمانێ عیراقێ ڕاگەهاند، پشتی کۆمبوونا هەردوو جڤاتێن وەزاری و ئابووری یێن عیراق و هەرێما کوردستانێ کو ل هەولێرێب ڕێڤەچوو، بڕیار هاتە دان شاندەکێط وەزارەتا نەفتێ سەرەدانا هەرێما کوردستانێ بکەت.
د.سەباح گۆت:”ئارمانجا سەردانێ بۆ دانوستاندنێ یە ل سەر مەزاختییێ بەرهەمئیانان نەفتێ ژ لایێ کۆمپانییانڤە و ڕۆسەیا دەستپێکرنا هنارتنا نەفتا هەرێما کوردستانێ، کو تا نوکە دناڤبەرا هەولێر و بەغدایێ دا ئاریشە ل سەرە و نە گەهشتینە ڕێککەفتنێ.”
ناڤهاتی ئاماژە کریە، ل گۆرەی ڕێککەڤتنا دناڤبەرا هەولێر و بەغدایێ دا کو د پڕۆژە یاسایا بودجەی دا هاتیە، پێدڤییە حکومەتا هەرێما کوردستانێ ڕۆژانە 400 هزار بەڕمیلێن نەفتێ ڕادەستی بەغدا بکەت، لێ بەغدا یا ڕێگرە ژ دەستپێکرنا هنارتنا نەفتا کوردستانێ و پێدڤییە وەزارەتا نەفتێ ژی چارەسەرییا ئەڤێ ئاریشەیێ بکەت.
د.سەباح سوبحی، دیارکر تا نوکە ڕۆژا سەرەدانێ نەهاتیە دیارکرن و بڕیارە شاندێ وەزارەتا نەفتا عیراقێ دگەل وەزارەتا سامانێن سروشتی یا هەرێمێ ژی کۆم ببیت.