سه‌ما
کۆمپانیا مێتا راگەهاند، کو تایبەتمەندیەکا نوى بۆ ئەپلیکەیشنێ ئینستاگرامێ زێدەکریە، ئەو ژى دانانا کۆمێنتایە ل سەر ستۆریان ب شێوەیەکێ دیار، یانكو هەموو کەس دێ بینن و ناچتە ناڤ نامەیان، ئەڤە ژى ژ بۆ هندێیە دا پتر بکارهێنەر گەرم و گۆڕ بن د دانانا ستۆریان دا.
ئەڤ تایبەتمەندیە نە خوەسەرە، بەلکو بژارەیە و بکارهێنەر دكارت راوەستینت یان مفادار بت ژێ، ل گۆر حەزا خوە و جۆرێ ستۆریێ، لێ د وى دەمى دا کو دیارە، تنێ ئەو دێ بینن یێن هەژمار یان پەیجا وان فۆلۆ کرى.
کۆمپانیا مێتا، دڤێت ب رێکا بەردەوام نووکرنا ئینستاگرامێ، سەره‌نجا هەموو وان بۆ لایێ خوە راکێشت یێن حەز ژ سناپچات یان تیکتۆکێ دکەن، لەوما دڤێت ب هەر رەنگەکى بیت ئەپەکا هەمەرەنگ بت کو تایبەتمەندیێن هەردوو ئەپێن دى تێدا بن ب زێدەیى ڤە.
کۆمپانیێ هەر د ناڤ پەیجا تایبەت ب خوە دا ل ئینستاگرامێ، ڤیدیۆیەکا رووهنکرنێ بەڵاڤکریە کا چاوا ئەڤ تایبەتمەندیا نوو دئێتە بکارئینان.