“لینۆڤۆ ئامادەكاريان بۆ دەرئێخستنا ئێكه‌م ئامیرێن کۆپایلۆت پلەس دكه‌ت”

سه‌ما

لینۆڤۆ ئامادەكاريان دكه‌ت بۆ دەرئێخستنا کۆمەکا نوو یا ئامیرێن کۆمپیوتەری د بن ناڤێ کۆپایلۆت پلەس دا، ئەڤە ناڤێ راگەهاندنێ یە بۆ ئامیرێن کو دشێن تەکنیکێن زیرەکیا دەستکرد یێن پێشکەفتی یێن ویندۆز 11 بکاربینن، و دێ ب بهایێن کێمکری بهێنە فرۆتن.

لینۆڤۆ دێ بەشداری د پێشانگەها بازرگانی یا IFA دا بکەت ڤێ هەفتیێ، و کۆمپانیێ دەست ب پرۆپاگەندێ کریە بۆ لاپتۆپێن کو دێ ل پێشانگەهێ بهێنە ئاشکراکرن.

ل دویڤ هەژمارا ئیڤان بلاس، ئەوێ جهێ باوەریێ یێ زانیاریان ئاشكرا دكه‌ت، ل سەر ئێکس/تویتەر، د به‌ياننامه‌يه‌كا رۆژنامه‌ڤانى یا لینۆڤۆ هاتیە دزین کو تێدا هورگلی یێن ئامیرێن نوو یێن کو دێ ل پێشانگەها IFA بێنە ئاشکراکرن هاتینە دیارکرن، ژ وان دوو ئامیر کو ب پرۆسێسەرێ کوالکۆم سناپدراگۆن X پلەس یێ هەشت ناڤکی یێ نوی کاردکەن، ئەڤ پرۆسێسەرە هێشتا نەهاتیە دەرئێخستن و هزر دکەن کو دێ ل پێشانگەها IFA بێتە راگەهاندن.

ژ ناڤ ئامیرێن چاڤەڕێکری، ئامیرێ IdeaPad 5x 2-in-1 هەیە، ئەو لاپتۆپەکە دشێت بهێتە گوهۆڕین بۆ تابلێتەکێ ب شاشەیەکا OLED یا 14 ئینچی، و ئامیرێ IdeaPad Slim 5x، کو لاپتۆپەکە ب تەڤایی ژ کانزایی چێکری دگەل بژارەیا شاشەیەکا OLED یا 14 ئینچی.

هەردوو ئامیر ب پرۆسێسەرێ سناپدراگۆن X پلەس یێ چاڤەڕێکری کاردکەن، کو ژ ڤەرژنا نۆرمال یا دەه ناڤکی کێمترە.