سه‌ما
سەرۆكێ فەرەنسا ئیمانوێل ماكرۆن، ل رۆژا پێنج شەمبوويێ، میشێل بارنیە یێ كو بەرێ دانوستاندكارێ ئێكه‌تیا ئەورۆپا بوو د دۆسیەیا برێكستێ دا، راسپارد بۆ پێكئینانا حكومەتا داهاتی یا فەرەنسا، پشتی نێزیكی دوو مەهان ژ هەلبژارتنێن پەرلەمانی.
بارنیە، یێ ٧٣ سالی، سیاسەتمەدارەكێ فەرەنسی خودان ئه‌زموونه، ئەو مەزنترین سەرۆك وەزیرە د دیرۆكا نوو یا فەرەنسا دا و هاتیە راسپاردن بۆ پێكئینانا “حكومەتەكا كۆمكەر د خزمەتا وەلاتی دا”، وەك سەرۆكاتیێ گۆتی.
پشتی هەڤدیتنا وی دگەل سەركردەیێن پارتێن سیاسی یێن د پەرلەمانێ دا، ماكرۆن د رۆژێن داویێ دا چەند كەسایەتیێن سیاسی وەرگرتن، ژ وان هەردوو سەرۆكێن بەرێ یێن وەلاتی فرانسوا هۆلاند و نیكۆلا ساركۆزی، هەروەسا هەردوو وەزیرێن بەرێ، یێ راستگر كزاڤیێ بێرتران و یێ سۆسیالیست بێرنار كازنۆڤ.
ماكرۆنی رەتكر حكومەتەك ژ بەرەیێ گەلی یێ نوو پێك بینیت، كو هەڤپەیمانیا چەپێ یە و سەركەفتیە د ئەنجامێن هەلبژارتنێن پەرلەمانی یێن پێشوەخت دا، و نەڤیا كاندیدا وان یا سەرۆكاتیا حكومەتێ لوسی كاستیە یا كو كارمەندا فەرمی یە، راسپێرت.