سه‌ما
كۆمپانیا ئه‌پلێ نووترین ڤه‌رژنێن سیسته‌مێن خۆ یێن ئایفۆن و ئایپادێ، iOS 18 و iPadOS 18، به‌رده‌ست كرینه، ئه‌ڤ ڤه‌رژنێن نوی گه‌له‌ك تایبه‌تمه‌ندیێن نوی دگه‌ل خۆ تینن، لێ بێ هزرا دروستكری یا پێشكه‌فتی.
ژ گرنگترین تایبه‌تمه‌ندیێن نوی، په‌یامێن RCS هه‌نه كو دێ په‌یوه‌ندیێ دگه‌ل بكارهێنه‌رێن ئه‌ندرۆیدێ باشتر كه‌ن. هه‌روه‌سا، بكارهێنه‌ر دێ شێن وێنه و ڤیدیۆیێن بلند-كوالیته پارڤه بكه‌ن، و نیشانێن نڤیساندنێ ببینن.
iOS 18 دێ هه‌روه‌سا ده‌ستوورێ ده‌ته بكارهێنه‌ران كو روویێ سه‌ره‌كی یێ ته‌له‌فۆنا خۆ بگوهۆڕن. ئه‌و دێ شێن ئایكۆنێن ئه‌پلیكه‌یشنان ژ نوی رێكبێخن، مه‌زناهیا وان بگوهۆڕن، و ره‌نگێ وان بگوهۆڕن.
ئه‌ڤ نویكرنه نوكه بۆ ئایفۆنێن ژ مۆدێلا XR و یێن نویتر، هه‌روه‌سا بۆ iPhone SE یا نه‌وا دووێ و سیێ به‌رده‌سته. بكارهێنه‌ر دشێن ڤێ نویكرنێ ژ رێكا چوونا بۆ “رێكخستن”، پاشی “گشتی”، و دوماهیك “نویكرنا سۆفتوێرێ” دابه‌زینن.