سه‌ما
شانده‌كێ بنگه‌هێ لالش،ئيرۆ 9ى ئيلۆنێ، ب سه‌رپه‌رشتیا سه‌عيد جردۆ،سه‌رۆكێ بنگه‌هێ لالش و د.فارس كتى ئه‌ندامێ ده‌سته‌يا بلند سه‌ره‌دانا وه‌زاره‌تا ره‌وشه‌نبیری و لاوان ل باژێرێ هه‌ولێرێ كر و ژلایێ ئاریان سه‌لاحه‌دین، بريكارێ وه‌زاره‌تێ هاته پێشوازیكرن.
د هه‌ڤدیتنێ دا، هه‌ردوو لايان دوپاتى ل خورتكرنا په‌یوه‌ندیان و زێده‌كرنا هه‌ماهه‌نگیێ د ناڤبه‌را بنگه‌هێ لالش و وه‌زاره‌تێ دا كر.
دته‌وه‌ره‌كێ ديتر دا، چه‌ند بابه‌تێن گرنگ یێن ره‌وشه‌نبیری كو جهێ بایه‌خدانا هه‌ردوو ئالیان بوون هاتنه گه‌نگه‌شه‌كرن.
ئه‌ڤ سه‌ره‌دان دێ بته ده‌ستپێكه‌كا نووی بۆ هه‌ڤكاريێ د ناڤبه‌را هه‌ردوو ئالیان دا،هه‌روه‌سا رێ ڤه‌كه‌ت بۆ پرۆژێن هه‌ڤبه‌ش د وارێ ره‌وشه‌نبیری و پاراستنا كه‌له‌پوورێ كوردی دا.
