سه‌ما
سەرۆكێ حكومەتا هەرێما كوردستانێ پەیامەك ب هەلکەفتا ساڵڤەگەڕا هەڵگیرسانا شۆڕشا مەزنا ئیلوولێ بڵاڤ كر و ڕاگەهاند: “شۆڕشا ئیلوولێ، شۆڕشەکا نیشتمانی و سەرتاسەری و هەمەلایەنا کوردستانێ بوو.”
ئيرۆ چارشەمبوويێ 11ى ئيلۆنا 2024ێ ، مەسرور بارزانی، سەرۆكێ حكوومەتا هەرێما كوردستانێ، پەیامەك ب هەلکەفتا ساڵڤەگەڕا هەڵگیرسانا شۆڕشا مەزنی ئیلوولێ بڵاڤ كر و دبێژیت: “ئەڤڕۆ 63 ساڵ بسەر هەڵگیرسانا شۆڕشا مەزنا ئیلوولێ دەرباز دبیت، کۆ شۆڕشەکا نیشتمانی و سەرتاسەری و هەمەلایەنا کوردستانێ بوو، ب سەرکردایەتییا ڕابەرێ نیشتمانیێ مە بارزانیێ نەمر.”
سەرۆكێ حكوومەتێ ئاماژە ب وێ ژی دا: “بیرئینانا شۆڕشا ئیلوولێ، بیرئینانا قۆناغەکا گەشا خەباتا ڕزگاریخوازا گەلێ کوردستانێیە، د بیاڤێ مافێن ڕەواکانی و کۆڵنەدانە ل داکۆکیکرن ل ئاخ و خەڵکێ کوردستانێ.”
مەسرور بارزانی هەروەسا گوتژی: “بهایێن بلندێ شۆڕشا ئیلوولێ ل چەسپاندنا دادپەروەری و ئێکڕیزی و ئێکگرتوویی و راوەستان بەرانبەر ستەم و بێدادیێ، هەمیشە ئیلهامبەخشا کارکرنا مەیە، د بیاڤێ خزمەتکرنا زێدەترا خەڵکێ کوردستانێ و پاراستنا دەستکەفتێن نیشتمانا مە.”
هەر د پەیاما خۆدا، سەرۆكێ حكوومەتا هەرێما كوردستانێ بەحس ل وێ ژی كر: “د ساڵیادا شۆڕشا ئیلوولێدا، بڕێز و پێزانینەکا زۆر، بیرئینانا خەبات و تێکۆشان و قوربانیدانا هەمی پێشمەرگە و تێکۆشەرێن پشکدارڕێن شۆڕشێ ل هەمی تەخ و چین و پێکهاتێن جۆدایێن گەلێ کوردستانێ دکەین، سڵاڤ ل گیانێ پاکێ شەهیدێن شۆڕشا ئیلوولێ و هەمی شەهیدێن کوردستانێ”.