سه‌ما
ئيرۆ ئێك شه‌مبوويێ 15ى ئيلۆنا 2024ێ، ب ئاماده‌بوونا میر حازم ته‌حسين به‌گ، ميرێ ئێزديان وبابێ شێخ وجڤاتا روحانی و كۆمه‌كا كه‌سایه‌تیێن ئایینی و جڤاكی، رێورەسمێن نووژەنکرنا مه‌زارگه‌هێ شێشمس ب رێڤه‌چوون.
ل په‌رستگه‌ها پیرۆزا لالش، رێوره‌سمه‌كا تایبه‌ت بۆ ڤه‌كرنا مه‌زارگه‌هێ شێشمس هاته‌كرن ئه‌و ژی پشتی نووژه‌نكرنه‌كا به‌رفره‌هـ تێدا هاتیه ئه‌نجام دان.
لوقمان سلێمان، به‌رپرسێ نڤیسینگه‌ها په‌رستگه‌ها لالش بۆ سه‌ما دياركر، ب سه‌رپه‌رشتیا شاره‌زایێن تایبه‌ت ماوێ دوو سالانه كار ل سه‌ر نووژه‌نكرنا مه‌زارگه‌هێ شێشمس تێته كرن ، یه‌ك ژ تایبه‌تمه‌ندیێن سه‌ره‌كی یێن نووژه‌نكرنێ، بكارئینانا كه‌ڤرانه رامان ژی دبته ئه‌گه‌رێ پاراستنا گیانێ جهی و هه‌روه‌سا زێده‌تر ڕه‌سه‌نایه‌تییا وێ دێ ئێته پاراستن.
ناڤهاتى خويا ژى كر، ل داويا رێوره‌سمان دوعا و دروزێن تایبه‌ت هاتنه خواندن و میر و جڤاتا رۆحانی يا ئێزدیان سوپاسییا هه‌موو كه‌سێن خلمه‌ت دنووژه‌نكرنێ دا كرى كر.
ل په‌رستگه‌ها پيرۆزا لالش مه‌زارگه‌هـ و نيشانگه‌هـ به‌رده‌وام ژلايێ خێرخوازان ڤه دئێنه نووژهنكرن و نووكرن.
ئێزدى رۆژانه په‌رستگه‌ها لالش دكه‌ن و ل خاس و چاكێن خۆ زياره‌تى دبن و هيڤى و دوعايان دخوازن.
