سه‌ما
پرۆسه‌يا دابه‌شكرنا مینحەیا هەیڤا 9 یا سەرۆكوەزیران مەسرور بارزانی، ل سه‌ر رزگاربوویێن ئێزدی ده‌ستپێكر و بۆ ده‌مێ سێ رۆژان دێ به‌رده‌وام بت.
ئيرۆ چارشه‌مبوويێ 18ى ئيلۆنا 2024ێ، ل ده‌مژمێر 10 سبێ ل هۆلا لالش ئێك ل كۆمه‌لگه‌ها شاريا نڤيسينگه‌ها سه‌رۆكوه‌زيران مەسرور بارزانی و بنگه‌هێ لالش ل دهۆكێ ده‌ست ب دابه‌شكرنا مینحەیا هەیڤا 9 ل سه‌ر رزگاربوویێن ئێزدی ژ ده‌ستێن داعشێ كر، كو كوژمێ 150هه‌زار ديناران ب هه‌ر رزگاربوويه‌كى دئێته دان.
مينحه‌يا مه‌ها 9 دەستپێکێ ل كۆمه‌لگه‌ها شاریا ده‌ست پێكر، پشترە ل ناحیا خانكێ و پاشى ل رۆژا پێنج شه‌مبوويێ ل قه‌زا شێخان و رۆژا ئينيێ ل كۆمه‌لگه‌ها دێره‌بوونێ رزگاربوویێن ئێزدى دێ وه‌رگرن.
هه‌موو رزگاربوویێن چووینه ده‌رڤه‌ى وه‌لاتى ژى دێ مفاداربن، بنگه‌هێ لالش لینكه‌ك به‌لاڤكریه کو رزگاربوویێن ئێزدى دكارن فۆرمێ تژی بكه‌ن بۆ وه‌رگرتنا مینحه‌یا دارایی.
ب بريارا رێزدار مه‌سرور بارزانى، سه‌رۆكێ حكومه‌تا هه‌رێما كوردستانێ پرۆژه‌يێ مينحه‌يا دارايى بۆ رزگاربوويێن ئێزدى ژ ده‌ستێن داعشێ هاته راگه‌هاندن.
پرۆژێ پشته‌ڤانى يا دارایی بۆ رزگاربوويان،وەك قۆناغا دەستپێكێ سێ هەزار و 575 كەس، ژ هەردوو ڕەگەزان و تەمەنێن جیاواز دێ مفاداربن،پرۆژە ژلایێ بنگەهێ لالش يێ ڕه‌وشه‌نبیری و كۆمەڵایەتی دئێته ب رێڤه‌برن،هەروەسا چه‌ند رزگاربوويى ژى دناڤا ئه‌ڤێ تيمێ دا به‌شدارن.
