دڤان هه‌لبژارتنان دا وه‌كو كوردێن ئێزدی كو به‌شه‌كێ ره‌سه‌نن ژ جڤاكا كوردستانی، ژمه هه‌میا دهێنه خواستن ب ئه‌رك و به‌رپرسایه‌تیا خوه رابن به‌رامبه‌ر دوهی و ئه‌ڤرۆ و ئاینده و چاره‌نڤیسێ خوه.
ژبه‌ركو دیرۆك دیده‌ڤانه و عه‌سه بویه،”گه‌شبونا ئێزدیخانێ د گه‌شبونا كوردستانێ دایه،و مه‌رجێ پاراستن و ب هێزتر بوون و گه‌شبونا کوردستانێ،د هێز بوونا پارتیا بارزانی دایە”، له‌وما ئێزدی دێ ١٩٠ێ هه‌لبژێرن و چ جارا ئێزدیان چ به‌دیل بۆ پارتی و سه‌رۆك بارزانی نه‌بوینه و نابن.
دڤیا ئه‌م هه‌موو كوردستانی پێكڤه لیستا ١٩٠یا “ئارامی و ئاڤه‌دانی و پێكڤه‌یی و خوه‌ڕاگریێ) لیستا سه‌رۆك بارزانی لیستا خوینا شه‌هید و جانگۆریا لیستا ده‌ستكه‌فت و پارێزه‌را هه‌می پێكهاتێن كوردستانێ هه‌لبژێرن، و ب شه‌ڤ و رۆژ مینه پاڵه و پێشمه‌رگه‌ها خه‌باتێ ژ سه‌ركه‌فتنا مه‌زنا پارتی را بكه‌ن.
یا راست باوه‌ریا مه ئه‌وه به‌ربژارێن پارتی هه‌می به‌ربژار و نوینورێن مه‌نه،لێ وه‌كو ئێزدی و تایبه‌تمه‌ندیا مه ژ هه‌می خه‌لكێ هێژایێ (ناحیا خانكێ و ناحیا باعه‌درێ و كۆمه‌لگه‌ها شاریا و ده‌ڤه‌را هه‌وێریا)دهێته خواستن پێكڤه ب ئه‌ركێ ملله‌تیا خوه و ئێزدیاتیا خوه رابن و ته‌ركیزا مه هه‌میا ل سه‌ر تاكه كاندیدا كه‌چا ئێزدی دناڤ لیستا ١٩٠یا پارتی دیموكراتی كوردستان دا (وشیان خودێدا ئۆمۆ) هژمار ٤٨ بیت.
ژبۆ گره‌نتیكرن و سه‌رئێخستنا كاندیدا ئێزدی جه‌ماوه‌رێ پارتی یێ وه‌ڵاتپارێز بلا كاندیدا ئێزدی ژ ده‌نگێن وه بێ به‌هر نه‌بت داكو ئێزدیا ژی نوینه‌راتیا خوه د په‌رله‌مانی دا هه‌بت و ئه‌م ژی به‌شه‌ك بن ژ سه‌ركه‌فتنا مه‌زنا پارتیا خوه.
