سه‌ما
ئێڤاريا پێنج شه‌مبوويێ 5ى ئيلۆنا 2024ێ، بنگه‌هێ لالش يێ ڕه‌وشه‌نبيرى و كۆمه‌ڵايه‌تى ل دهۆكێ، دانوستاندنه‌كا ڤه‌كرى ل دۆر( گۆڤارا لالش و جهێ وێ درۆژنامه‌گه‌ريا ده‌ڤه‌را بادينان دا) بۆ د.محه‌مه‌د خدر مولود مامۆستايێ زانینگەها سەلاحه‌دین رێكخست.
ئاماده‌بوويى خۆله‌كه‌كێ راوه‌ستيان وه‌ك رێزگرتن ل سه‌ر گيانێ جانگۆريان سه‌روه‌رێ وان بارزانيێ نه‌مر و كاك ئدريسێ هه‌رده‌م ساخ،پاشان سه‌رۆكێ بنگه‌هێ لالش سه‌عيد جردۆ دپه‌يڤه‌كێ دا بخێرهاتنا ئاماده‌بوويان كر و باس ل گرنگيا ڤان جۆره چالاكيان بۆ پێشخستنا بزاڤا ڕه‌وشه‌نبيرى كر.
دانوستاندنا ڤه‌كرى ژئاليێ د.سه‌عيد خودێدا سەرنڤیسەرێ گۆڤارا لالش ڤه دهاته ب ڕێڤه‌برن، ل دووڤدا د.محه‌مه‌د خدر مولود مامۆستايێ زانینگەها سەلاحه‌دین باس ل پێگەها گۆڤارا لالش ل رۆژنامەگەریا بادینان دە و قۆناغێن پێشكه‌فتنا وێ تا نۆكه و ب تايبه‌ت ده‌مێ وه‌شاندنا پشكا ئنگليزى، كو جهه‌كێ باش ل ناڤا ڕۆژنامه‌ڤانيا بادينان دا هه‌بوويه و بوويه ده‌رگه‌هه‌ك بۆ كه‌سانێن نڤيسكار و ڤه‌كۆله‌ران كو ڕۆلێ خۆ تێدا ببينن.
بنگەهێ لالش کانیەکا رۆژنامەگەرییێ یە و گۆڤارا لالش ژى قوتابخانا ڕۆژنامەگەریا ئێزدیاتیێ یە
د.محه‌مه‌د خدر دياركر، گۆڤارا لالش ڕۆله‌كێ گرنگ گێرايه و هه‌بوويه و خونده‌ڤانێ خۆ هه‌يه و بێ سه‌كناندن به‌رده‌وامى دايه وه‌شانێ و بابه‌تێن هه‌مه‌جۆر وه‌ك ڕه‌وشه‌نبيرى و جڤاكى و ئايينى به‌لاڤكرينه، ئه‌ڤه ژى بخۆ خاله‌كا هه‌رى گرنگ بوو.
مامۆستايێ زانينگه‌ها سه‌لاحه‌دين گۆت ژى: بنگەهێ لالش کانیەکا رۆژنامەگەرییێ یە و گۆڤارا لالش ژى قوتابخانا ڕۆژنامەگەریا ئێزدیاتیێ یە و گرنگيا خۆ بۆ جڤاكا ئێزديان هه‌يه.
پاشان ده‌رگه‌هێ دانوستاندنێ دناڤبه‌را ئاماده‌بوويان و دكتۆرى دا هاته ڤه‌كرن و گه‌نگه‌شه ل سه‌ر گۆڤارا لالش و گرنگيا وێ بۆ ئێزديان هاته كرن و به‌رسڤ ل سه‌ر پرسياران هات دان.
پێنج شه‌ما ڕه‌وشه‌نبيرى، ل هه‌موو رۆژێن پێنج شه‌مبوويان ژلايێ ده‌سته‌يا بلندا بنگه‌هێ لالش ل دهۆكێ بۆ كه‌سانێن ئه‌كاديمى و ره‌وشه‌نبيران دئێته ل دارخستن، مژارێن گرنگ يێن گرێدايى ب ره‌وشا ئێزديان ڤه دئێنه گوتۆبێژكرن.
